Jetisý aýdanynyń komúnıtı ortalyǵynda «Stand Up Qoi» atty kesh ótti, dep habarlaıdy almaty-akshamy.kz
Atalmysh sharada aýdannyń neet jastary men stand up janrynda óner kórsetip júrgen ázilkeshter bir sahnada óner kórsetti. Keshte jastar óz basynan ótken túrli qyzyqty oqıǵalardy ázil túrinde jetkizip, kórermen yqylasyna bólendi.
İs-sharanyń negizgi maqsaty – jastardy oıyn ashyq jetkizýge, kópshiliktiń aldynda qoryqpaı sóıleýge baýlý. Sondaı-aq aýdandaǵy shyǵarmashyl jastardy qoldap, baǵyt-baǵdar berý. Kesh sońynda kórermender rezıdentterge jyly lebizderin bildirip jatty.
– Stand up kesh óte joǵary deńgeıde ótip jatyr. Kóńil kóterip, bir marqaıyp qaldyq. Osyndaı sharalarǵa jıi baryp turamyn. Jetisý aýdanynynyń komúnıtı ortalyǵynda stand up kesh bolady degendi estip birden keldim. Jastarǵa múmkindik berip, osyndaı keremet kesh uıymdastyrǵan komúnıtı ortalyqtyń qyzmetkerlerine óz rızashylyǵymdy bildiremin, - deıdi kesh qonaǵy.
Uıymdastyrýshylar da óz tarapynan osyndaı is-sharalarǵa qatysam deıtin jastar bolsa, árdaıym qoldaýǵa daıyn ekenin jetkizdi.
– Búgingi sharada tájirıbeli ázilkeshter men sahnaǵa alǵash ret shyǵyp turǵan jastar boldy. Meniń oıymsha óte joǵary deńgeıde ótti. Aldaǵy ýaqytta atalmysh sharany aptasyna 1 ret turaqty túrde ótkizip turý oıda bar. Biz ózimizdiń tarapymyzdan jastardyń árbir bastamalaryn qoldaýǵa daıynbyz, - dedi Jetisý aýdanynyń komúnıtı ortalyǵynyń jetekshisi Ońdasyn Qulymbetov.