Almaty jastary aldaǵy referendýmdy pikirsaıys arqyly talqylady.
«Turan» ýnıversıtetinde Konstıtýsıaǵa engiziletin túzetýlerge baılanysty azamattardyń ómiriniń ózgerýin túsindirý máselelerine arnalǵan «Konstıtýsıa boıynsha azamattardyń ómiri» taqyrybynda pikirsaıys ótti. Pikirtalas JOO qabyrǵasynda oflaın jáne onlaın formatta boldy.
"Ýnıversıtetimizdiń belsendi jastary óz bastamasymen referendýmdy talqylaý úshin pikirsaıys ótkizýde. Negizgi taqyryp – «Konstıtýsıa boıynsha azamattardyń ómiri». Pikirtalas LD (Lınkoln-Dýglas) formatynda ótti. Iaǵnı stýdentterimiz bir-birden eki tarapqa bólinip, referendýmnan keıin Qazaqstan azamattary ómirleriniń ózgeretini týraly oılarymen bólisti", – dedi Jastar isi jónindegi komıtet basshysy Mansur Álimov.
Pikirsaıystan keıin aıtylǵan oılar «Dóńgelek ústel» basynda talqylandy. Jalpy, sharaǵa JOO-nyń eń belsendi stýdentteri men ishki uıymdardyń basshylary qatysty.
"Referendým – bul jańa ómirge qadam. Búgingi «Dóńgelek ústel» men pikirtalas barysynda stýdentterimiz osyndaı oıǵa keldi. Sondaı-aq, 5 maýsym kúni báriniń daýys berip, bul mańyzdy memlekettik bastamany qoldaıtyndaryn aıtty", – dedi Mansur Álimov.