Almaty qalasynyń QAJ departamentine qarasty №11 mekemesiniń tárbıelenýshileri de Uly Jeńistiń 80 jyldyǵy qurmetine mádenı is-shara ótkizdi. Balalar kolonıasynda ótken merekege Almaty qalasy Sán jáne dızaın kolejiniń stýdentteri qoldaý kórsetti.
Otanshyldyqty, tarıhqa, aǵa býynǵa qurmetti dáriptegen is-shara Memlekettik Gımnmen ashylyp, konserttik baǵdarlamaǵa ulasty. Kezinde Uly Otan soǵysynda oq pen ottyń ortasynda júrgen maıdangerlerdi jeńiske rýhtandyrý maqsatynda týǵan patrıottyq ánder shyrqaldy.
Jaýyngerler ómirinen syr shertetin sahanalyq qoıylymdar usynyldy. Áskerı beıneklıpter de jetkinshekterge oı salǵany anyq. Olar bizge beıbit ómir syılaǵan atalarymyzdyń rýhyn bir mınýt únsizdikpen eske aldy.
Merekelik is-sharany jastardyń oryndaýyndaǵy áıgili «Uly Jeńis kúni» áni túıindedi.