2025 jylǵy shildede Qazaqstan 39 eldiń qatarynda BUU-nyń Nú-Iorktegi shtab-páterinde ótetin ornyqty damý jónindegi joǵary deńgeıdegi Saıası forýmda úshinshi Erikti ulttyq sholýdy tanystyrady. Forým - túrli el BUU-nyń 2030 jylǵa deıingi Kún tártibin iske asyrý tájirıbesimen jáne jetistigimen bólisetin basty halyqaralyq alańnyń biri.
Sholý jumysyn Ulttyq ekonomıka mınıstrligi memlekettik organdarmen, azamattyq qoǵammen, bıznespen jáne halyqaralyq áriptestermen birlesip júrgizýde. Ornyqty damý maqsattary jónindegi úılestirý keńesi prosestiń daıyndyq josparyn bekitti.
Sholýdyń jobasy BUUDB men Ekonomıkalyq zertteýler ınstıtýtynyń qoldaýymen ótkizilgen óńirlik semınarlarda talqylandy. Dıalogqa barlyq negizgi toptar, sonyń ishinde jastar ókilderi qatysty.
Sonymen qatar, elimizde Ornyqty damý maqsattaryn memlekettik josparlaý júıesine ıntegrasıalaý jalǵasýda. 2024 jylǵy qazanda Ulttyq ındıkatorlardyń jańartylǵan tizbesi bekitilip, 200 kórsetkishtiń 69-y basym baǵyt retinde belgilendi. Búgingi tańda olardyń 93%-y memlekettik josparlaý júıesiniń qujattarynda eskerilip, al óńirlerde oblystardyń damý josparyna tolyqtaı engizilgen.
Osylaısha, Qazaqstan turaqty jáne ınklúzıvti ósýge qol jetkizýge, memlekettik basqarý sapasyn jaqsartýǵa jáne halyqaralyq arenadaǵy óz ustanymyn nyǵaıtýǵa dáıekti túrde kóshýde.
Bul Qazaqstannyń BUU sheńberinde usynatyn úshinshi sholýy. Osyndaı esepter 2019 jáne 2022 jyldary sátti tanystyrylyp, halyqaralyq áriptester tarapynan joǵary baǵalanǵan edi. 2025 jylǵy forýmǵa qatysý elimizdiń jahandyq kún tártibine nıettestigin aıqyndap, halyqaralyq qoǵamdastyqpen yntymaqtastyǵyn kúsheıtedi.
Anyqtama: Erikti ulttyq sholý Kún tártibi-2030 qabyldanǵan sátten bastap, elimizdiń Ornyqty damý maqsattaryna qol jetkizýdegi ilgerileýin kórsetedi. Bul tájirıbe almasýǵa, memlekettik ınstıtýtty nyǵaıtýǵa, jahandyq mindetterdi júzege asyrýǵa áriptesterdi keńinen tartýǵa yqpal etedi.