Ulttyq qordan 100 dollardy qansha jas qazaqstandyq alyp, qaıda jumsady?
Jyl basynan beri «Ulttyq qor – balalarǵa» jobasynan 18 jasqa tolǵan 304 myń qazaqstandyq ózine tıesili 100 dollardy alǵan, dep habarlaıdy almaty-akshamy.kz.
Jastar alǵan aqshany qaıda jumsaǵan? Bul týraly aqparatty Qarjy mınıstrligi taratty: turmys jaǵdaıyn jaqsartýǵa – jalpy somasy 16 myń dollarǵa 162 adam; oqý aqysyn tóleýge – 260 adam jalpy somasy 26 myń dollar. Bıyl 18 jasqa tolǵan nemese tolatyn baǵdarlamaǵa qatysýshylardyń sany 304 myń adam. Olardyń árqaısysy $100,52 aldy. Kámeletke tolmaǵandardyń ata-analary nemese zańdy ókilderi esepteýlerdi eGov.kz portalynda jáne BJZQ saıtynan teksere alady.
Kóbine qazaqstandyqtar jınaqtalǵan 100 dollardy: bilim berý uıymdarynyń qyzmetterine aqy tóleýge – 212 ret; turǵyn úı qurylys jınaqtarynyń salymdaryn odan ári tolyqtyrýǵa – 133 ret ; bilim berý jınaqtaý salymyn shart boıynsha tolyqtyrý – 28 ret; azamattyq-quqyqtyq mámileler boıynsha turǵyn úıge menshik quqyǵyn alý (sońǵy esep aıyrysý) – 11 ret. Bıyl «Balalarǵa arnalǵan ulttyq qor» jobasyna barlyǵy 6,9 mıllıon bala qatysýda.