NEET sanatyndaǵy jastar bıznes-ıdeıalaryn júzege asyrý úshin 1 mln teńgege deıin grant ala alady
Qazaqstanda NEET sanatyndaǵy jastardy qoldaýǵa baǵyttalǵan «Zhas project» jobasy bastalady, dep habarlaıdy almaty-akshamy.kz
Granttyq baǵdarlama 2022 jyldan bastap Qazaqstan Respýblıkasy Mádenıet mınıstrliginiń Jastar jáne otbasy isteri komıtetimen Azamattyq bastamalardy qoldaý ortalyǵynyń qoldaýymen júzege asyrylýda.
Bıyl 10 úkimettik emes uıym jobanyń aıasynda elimizdiń úsh qalasy (Astana, Almaty, Shymkent) men 17 oblysynda (SQO, BQO, SHQO, Abaı, Jetisý, Ulytaý, Aqmola, Aqtóbe, Almaty, Atyraý, Jambyl, Qaraǵandy, Qostanaı, Qyzylorda, Mańǵystaý, Pavlodar, jáne Túrkistan) árqaısysyna 1 mıllıon teńge kóleminde 280 shaǵyn grant beredi.
- Konkýrs birneshe kezeńnen turady: jobanyń iske qosylýy týraly habarlandyrý; 19 aqpan men 24 naýryz aralyǵynda - aqparattyq naýqan; 25 naýryz - konkýrs bastalady; 25 naýryz ben 24 sáýir aralyǵynda - ótinimder qabyldanady; 25 sáýir men 14 mamyr aralyǵynda - ótinimder irikteledi; 15 mamyr - konkýrs nátıjeleri shyǵarylady.
- Konkýrsqa 18 ben 34 jas aralyǵyndaǵy Qazaqstan Respýblıkasynyń azamattary qatysa alady. Ótinim berýshi óńirdiń aýmaǵynda turaqty nemese ýaqytsha tirkelýi tıis jáne ýaqytsha turaqsyz jastar mártebesinde bolýy tıis. Konkýrsqa qatysý úshin tek qatysýshylar 1 áleýmettik jobany usyna alady. 2023 jyly "ZHAS PROJECT" jobasy aıasynda shaǵyn grant alǵan jastar konkýrsqa qatyspaıdy.
Jobalar jergilikti qoǵamdastyqtyń áleýmettik máselelerin sheshýge baǵyttalýy tıis. Jobany qatysýshylar 4 aıdan aspaıtyn merzimde iske asyrýy tıis.