Aldaǵy ýaqytta "jasotandyqtar" konserttik baǵdarlamalardy uıymdastyrýdy kózdep otyr.
16 shilde kúni Almaty qalalyq Jas Otan jastar qanatynyń uıymdastyrýymen Halyqaralyq shahmat kúnine oraı LA-155/6 túzetý mekemesiniń tárbıelenýshileri arasynda shahmattan týrnır uıymdastyryldy, dep habarlaıdy Almaty-akhamy.kz.
Shahmat oıyndaryna barlyǵy 26 bala qatysty. Týrnır birneshe kezeńderden turdy. Fınaldyq oıynǵa ótken balalar Jas Otan JQ tóraǵasy atynan arnaıy Alǵys hattarmen marapattalyp, zamanaýı jeıdeler tabystaldy.
Shara barysynda Jas Otan JQ tóraǵasy Nursultan Bolatuly túzetý mekemesiniń jaǵdaıymen tanysyp, ózekti problemalaryn da túrtip aldy.
Aıta keteıik, Qazaqstanda bir ǵana jasóspirimder kolonıasy bar. Túzetý mekemesinde bilim beretin synyptar, kitaphana, sportpen shuǵyldanatyn zaldar, medısınalyq mekeme jáne bólek asqana bar.
Sonymen qatar, túzetýdegi jasóspirimder úsh mezgil tegin tamaqpen qamtamasyz etilgen. Mekeme qyzmetkerleriniń aıtýy boıynsha, qazirgi tańda túzetý kolonıasynda 48 jasóspirim bar. Jasaq sany ekeý. Jasalǵan quqyq buzýshylyqtaryna baılanysty daǵdyly jáne jeńildetilgen merzimdi bolyp bólinedi. Jasóspirimder ata-anasymen jylyna 6 ret kezdese alady. Degenmen, qońyraý shalyp, uıaly baılanys arqyly sóılesýge eshqandaı shekteý joq.
Aldaǵy ýaqytta "jasotandyqtar" aldaǵy ýaqytta paıdaly kezdesýler men konserttik baǵdarlamalar uıymdastyrýdy josparlap otyr.