Kámelet jasyna tolmaǵandar arasyndaǵy jaǵdaıǵa jáne olardyń quqyqtaryn qorǵaýǵa qatysty «Jasóspirimderdiń quqyqtyq sanasyn arttyrý, qoǵamnyń negizgi qundylyqtary, «zań jáne tártip» qaǵıdatyn saqtaý» taqyrybynda jınalys ótti.
Jınalysqa Alataý aýdany ákiminiń orynbasary, aýdan prokýrory, ıývenaldy polısıa bóliminiń bastyǵy, ata-analar, oqytýshylar, psıhologtar, ardager-pedagogtar qatysty, dep habarlaıdy almaty-akshamy.kz.
– Kámelet jasqa tolmaǵan balalardyń arasyndaǵy máseleler órship tur. Osyǵan baılanysty qylmys jasaý, býllıngpen aınalysý jáne zań buzýshylyq faktorlary kóbeıip ketken. Osy oraıda ákimshilik tarapynan jasóspirimderge qatysty komısıa jumys jasap tur. Osy jyldyń basynan beri 26 jınalys ótkizip, 100-den asa balanyń quqyǵyn qorǵap, arnaıy sheshimder shyǵardy. Komısıa músheleri 30 jýyq mektep jasyndaǵy balalardyń mektepke barmaǵanyn anyqtap, oqý oryndaryna ornalastyrdy. Ata-analaryna balalaryna durys qaramaǵany úshin aıyppul salyndy. Aladaǵy ýaqytta da jasóspirimderdiń quqyǵyn qorǵaýdy jalǵastyramyz, – dedi Alataý aýdany ákiminiń orynbasary Bektas Erlanuly.
İs-shara barysynda qatysýshylarǵa kámeletke tolmaǵandar arasyndaǵy quqyq buzýshylyqtar boıynsha statısıka, olardyń negizgi sebepteri, qabyldanyp jatqan sharalar usynyldy, sondaı-aq oqýshylar arasynda býllıng faktilerin anyqtaýǵa arnalǵan jáne aýdannyń barlyq mektepterinde paıdalaný úshin arnaıy QR-kodty engizý boıynsha «Senim buryshy» avtorlyq jobasy usynylyp, osy jobany barlyq mektepterde engizý máseleleri usynyldy.
– Mektep oqýshylyranyń arasyndaǵy quqyq buzýshylyqtyń aldyn alý maqsatynda is shara ótkizip otyrmyz. Biz osy oraıda «Senim buryshy» jobasyn oılap tapqan bolatynbyz. Bul úlken avtorlyq joba qalamyzdyń 200 asa mektebi, 50 jýyq kolejderi qoldanylyp otyr. Joba óte tıimdi bolyp tabylady, býllıng, quqyq buzýshylyq pen sýısıdtiń aldyn alyp úlgerýge múmkindik beredi. Mekteptiń barlyq jerine oqýshylarǵa yńǵaıly bolý úshin QR-kody qoıyldy. Oqýshylyradyń habarlary bizdiń mektep ákimshiligine birden kelip túsedi, sol arqyly kóptegen quqyq buzýshylyqtyń aldyn alamyz, – dedi №204jylpy bilim beretin mektep dırektory Gúljan Myrzalyqyzy.
