Almaty qalasynda 2000 jylǵy Olımpıada chempıony, Qazaqstan Respýblıkasynyń eńbek sińirgen sport sheberi Ermahan Ibraımovtyń júldesi úshin bokstan halyqaralyq týrnır ótip jatyr.
Bes kúnge sozylatyn týrnırge Qyrǵystan, Mońǵolıa,, Ózbekstan, Reseıden jáne elimizdiń barlyq oblystarynan 250 den astam bylǵary qolǵap sheberi keldi. Eń myqty boksshylar Qazaqstan qurama komandasyna qabyldanady. Sondaı-aq, Azıa chempıonatyna joldama alady. Ár salmaq dárejesi boıynsha jeńimpaz atanǵan sportshyǵa sport sheberi ataǵy beriledi.
“Bes jyldyń ishinde osy týrnırde kóp qyzdar ósti. Azıa chempıony boldy. Bıyl qaraımyn, sportshylarymyzdyń sapasy da, sany da ósip keledi. Jyl saıyn kórshiles memleketterden qatsýshylar kelip qosylýda. Osyndaı jarystardyń arqasynda jastarymyz ósedi, ónedi, jeńiske jeterine senimim mol. Qyzdarymyzdyń daıyndyǵy jaman emes. Ózderiniń kúshin ortaǵa salýda. Ár sportshymyzǵa artar úmitimz mol”, - deıdi bapker, tóreshi Jánibek Qulnıazov.
Marapattaý 25 aqpan kúni ótedi. Eske salaıyq, Ermahan Ybyraıymovtyń júldesi úshin besinshi ret týrnır ótkizilip otyr.
Ermahan Ibraımov, bokstan Olımpıada chempıony:
– Jarystyń maqsaty – Qazaqstan Respýblıkasynyń eń myqty sportshylaryn anyqtaý jáne ulttyq qurama sapynda bireý bolmasa, olar kózge túsip, qosymsha engizilýi múmkin. Sondyqtan bul týrnırdiń deńgeıi óte joǵary der edim.
