Almatyda ótetin forým paıdaly ári qyzyqty bolýy úshin uıymdastyrýshylar jasóspirimderdiń fokýs-tobyna arnaıy zertteý júrgizdi
27-qarasha, ıaǵnı osy jeksenbi kúni IýNFPA (BUU-nyń reprodýktıvti densaýlyq jáne quqyqtar jónindegi jetekshi agenttigi) qoldaýymen jasóspirimderge arnalǵan I “speak up” forýmy ótedi, dep habarlaıdy Almaty-akshamy.kz.
Shara barysynda mobılografıa, oratorlyq óner syndy sheberlik saǵattary uıymdastyrylyp, bilikti sarapshylar jasóspirimderge arnalǵan qyzyq ári paıdaly dáris ótkizedi. Sondaı-aq, forýmǵa qatysýshy jastar kókeıkesti suraqtaryna jaýap alýy úshin psıhologtan keńes alý múmkindigin de qarastyrdyq.
Jasóspirimder “ata-analarymen jáne qurdastarymen qarym-qatynas daǵdylaryn qalaı jaqsarta alady?”, “Eriktiler qataryna qalaı qosyla alamyz?”, “Start ap uıymdastyrýdyń qyr-syry.”, “Mamandyq tańdaýda neni eskerý kerek?”, “Akterlik mansapty qalaı bastaý kerek?”. Osy jáne basqa da mańyzdy suraqtardyń jaýabyn 27-qarasha kúni ótetin “speak up” forýmynan bile alasyzdar. Sondaı-aq, sizder úshin mobılografıa, qarjylyq saýattylyq, blogerlik, oratorlyq óner syndy sheberlik saǵattaryn uıymdastyramyz!
Forýmnyń uıymdastyrýshylary “Bópe” QQ jáne BUU-nyń reprodýktıvti densaýlyq jáne quqyq jónindegi jetekshi agenttiginiń maqsaty (IýNFPA) jasóspirimderdiń kezdesip, bir-birimen tanysyp, ózekti taqyryptardy talqylap, kókeıindegi suraqtardyń jaýabyn ala alatyndaı múmkindik jasaý. Forým paıdaly ári qyzyqty bolýy úshin uıymdastyrýshylar jasóspirimderdiń fokýs-tobyna arnaıy zertteý júrgizdi. Nátıjesinde jasóspirimderdiń qandaı taqyrypta sóıleskisi keletinin sarapshylarmen birge anyqtady.
Shara spıkerleri qatysýshylarǵa ata-anamen qarym-qatynasty qalaı qurý kerektigi, áleýmettik kásipkerlik pen volonterlik týraly aıtyp qana qoımaı, kamera aldynda ózin erkin sezinýdiń qyr-syryn úıretedi. Sondaı-aq, blog júrgizýdiń bastaǵanda neni eskerý kerek ekeni jaıly da aıtady. Al IýNFPA sarapshylary jastarǵa arnalǵan arnaıy densaýlyq ortalyqtary týraly aqparat beredi jáne jasóspirimderdiń reprodýktıvti densaýlyǵy týraly mańyzdy máselelerdi qozǵaıdy. YPEER halyqaralyq jelisiniń volonterleri jasóspirimderdiń kóshbasshylyq qabileti, zorlyq-zombylyqqa qarsy turý jáne ómirlik daǵdylarǵa negizdelgen bilim berý máselelerin kóteredi.
Shara barysynda Táýekel Músilim, Serik Shárip (Shako)jáne Gúlnaz Jolanova syndy tanymal juldyzdar ózderiniń jasóspirim shaǵyn eske túsirip, tulǵa bolyp qalystastýdaǵy atalmysh kezeńniń mańyzy jaıly aıtady.
Speak forýmy jasóspirimder men olardyń densaýlyǵy, qyzyǵýshylyqtary, hobbıleri jáne olardyń múmkindikteri týraly talqylaýlar ótetin ashyq alań. Sondaı-aq, Speak Up – sheberlik sabaqtary, psıhologıalyq keńester, jańa tanystar jáne jeksenbini kóńildi ári paıdaly ótkizý múmkindigi!