Taý-shańǵy maýsymynyń ashylýyna baılanysty 26 qarashadan bastap №12 týrısik marshrýt jumysy kúsheıtiledi, dep habarlaıdy Almaty-akshamy.kz.
Almaty qalalyq mobıldilik basqarmasynyń málimetinshe, endi bul marshrýt boıynsha 10 mınýttyq ıntervalmen demalys kúnderi 20, jumys kúnderi 16 avtobýs qyzmet kórsetedi.
Marshrýt Almaty-2 temir jol vokzalynan bastalyp, Abylaı han dańǵylymen joǵary kóterilip, Abaı dańǵylymen júrip, Medeý muz aıdynyna deıin barady. Medeýden sońǵy avtobýs túngi saǵat 00:30-da shyǵady.