Barlyq dástúrli jańajyldyq zattar alergıa týdyrýy múmkin
Máskeý densaýlyq saqtaý departamentiniń eresekterge alǵashqy medısınalyq-sanıtarlyq kómek kórsetý jónindegi shtattan tys bas mamany Andreı Tájelnıkov jasandy shyrshalar alergıa týdyrýy múmkin ekenin aıtty, dep habarlaıdy Almaty-akshamy.kz Zakon.kz-ke silteme jasap.
RIA Novostıge bergen suqbatynda dáriger alergıasy bar adamdar jasandy shyrshany ornatpastan buryn, ony aldymen jýyp, qurǵatyp alý kerektigin aıtty.
«Jańa jylda, ókinishke qaraı, alergıasy bar adamdar úshin qıyn ýaqyt. Óıtkeni, barlyq dástúrli jańajyldyq zattar alergıa týdyrýy múmkin. Mysaly, shyrsha jáne basqa qylqan japyraqty ósimdikter. Munyń sebebi - shań-tozańda, shaıyrynda jáne efır maılarynda. Sıntetıkalyq shyrshalar alergıany odan da údete túsedi, óıtkeni bári birdeı sapaly, qaýipsiz materıaldardan jasala bermeıdi. Eger shyrsha bir jyl boıy saqtaýda jatyp qalǵan bolsa, oǵan shań-tozańmen qosa usaq jándikter de qosylady»,- deıdi Andreı Tájelnıkov.
Sondaı-aq, onyń aıtýynsha, bólmeni jıi jeldetip, shyrshaǵa jaqyndamaý kerek. Jasandy shyrsha satyp alǵanda, dáriger atap ótkendeı, sertıfıkatyn suraý kerek, onyń quramy, neden jasalǵanyn zertteýińiz qajet. Mamannyń aıtýynsha, rojdestvolyq áshekeıler alergıa týdyrýy múmkin, sondyqtan qatty ıisi bar oıynshyqtardy almaǵan jón.
Sonymen qatar, ol merekelik ústelde de alergenderdiń kóp ekenin atap ótti.
«Onyń bastysy - sıtrýs jemisteri. Keńes zamanynan beri olardy jańa jylǵa qorabymen satyp alý dástúri bar. Alergıa ananas pen jıdekterden de týyndaıdy. Odan soń jańǵaqtar, shokolad, kakaony da bul tizimge qosýǵa bolady. Dástúr boıynsha, jańa jyldyq ústelge kóptegen salat daıyndalady. Sonymen qatar, jumyrtqa men taýyq sıaqty kóp qoldanylatyn zattar alergıa týdyrýy múmkin»,-deıdi Andreı Tájelnıkov.
Dárigerdiń aıtýynsha, alergender tizimine teńiz ónimderi de kiredi.
«Jańa jyldyq mázirdi muqıat tańdaýǵa keńes beremin. Búgin bizde alergıa týdyratyn as-kóktiń ornyn almastyra alatyn úlken assortıment bar. Eger daıyn taǵam satyp alynsa, onda onyń quramyn muqıat zerdeleý kerek»,-deıdi Andreı Tájelnıkov.
Dáriger alergıasy bar adamdarǵa alergıany basatyn dárilerdi óz janynda ustap júrýge keńes beredi.
Jańalyq sıpatyndaǵy materıaldardy dáriger taǵaıyndaǵan reseptimen teńestirýge bolmaıdy. Qandaı da bir sheshim qabyldamastan buryn mamanmen keńesip alǵanyńyz jón.