Almaty qalasy ákiminiń orynbasary E. Babaqumarovtyń tóraǵalyǵymen ótken komısıada bıylǵy jyldyń jumys qorytyndysy shyǵarylyp, kelesi jylǵa josparlar belgilendi.
Saıası qýǵyn-súrgin qurbandaryn aqtaý máseleleri jónindegi komısıa jumysyn qorytyndylaǵannan keıin E. Babaqumarov birqatar basty mindetterdi belgiledi.
Qala ákiminiń orynbasary Memlekettik hatshy Q. Kósherbaevtyń jaqynda ótken memkomıssıada bergen tapsyrmalaryn eskerýdi tapsyrdy. Bul ázirlenip jatqan 2022 jylǵa arnalǵan jumys josparyna qatysty. Josparda baspa, pýblısısıkalyq jáne zertteý qyzmetin uıymdastyrý máselelerin eskerý qajet. Sonymen qatar, aqparattyq-túsindirý jumystaryna, taqyryptyq kórmeler ótkizýge, TMD qalalarynyń muraǵattaryna ǵylymı ekspedısıalar uıymdastyrýǵa nazar aýdarý tapsyryldy.
Sondaı-aq arhıvtermen jumys isteý kezinde quqyq qorǵaý jáne arnaıy organdarmen qyzmetti úılestirý boıynsha mindet qoıyldy.
Otyrysty qorytyndylaı kele, E. Babaqumarov komısıa múshelerine jumysy úshin rızashylyq bildirip, olarǵa alǵys hattardy tapsyrdy.