Otandy súıý – órkenıettiliktiń birinshi belgisi.
Elbasy Nursultan NAZARBAEV.
2005 JYLDYŃ BASTY OQIǴALARY
- Qazaqstan Respýblıkasynyń óz shekarasynyń quqyqtyq mártebesin aıqyndaýy. Qazaqstan-Reseı memlekettik shekarasy týraly kelisim-shartqa qol qoıý.
- UOS jyldaryndaǵy Jeńistiń 60 jyldyǵy.
- Baıqońyr ǵarysh aılaǵynyń 50 jyldyǵy.
- Dúnıejúzi qazaqtarynyń İİİ Quryltaıy.
- QR Prezıdentiniń saılaýy
2005 jyl Qazaq Eli úshin ekonomıkalyq damý men ósimniń jańa múmkindikterin qarastyrý kezeńi boldy. Jyl aıasynda joǵary dárejedegi, mańyzdy ýaǵdalastyqtar arqyly sapaly nátıjelerge qol jetkizgen on bir kezdesý ótti. Solardyń negizgisi - Qazaqstan-Reseı memlekettik shekarasy týraly Shart boldy. Qazaqstan úshin bul Sharttyń mańyzdylyǵy aıyryqsha edi, osy qujat nátıjesinde biz ózimizdiń qurlyqtyq shekaramyzdyń halyqaralyq-quqyqtyq rásimdelýin negizdep aldyq.
Sondaı-aq, bul jyly el bıligi salyqtyq jáne tarıftik salany reformalaýǵa, ekonomıkalyq ósimdi qamtamasyz etetin jańa baǵyttarǵa, jınaqtaýshy zeınetaqy jáne qor naryǵy, saqtandyrý jáne bank júıelerin damytýǵa, otyn energetıkalyq, óndirýshi sektorynyń tıimdiligin arttyrýǵa, kásipkerlikti memlekettik qoldaýǵa, t.b. basymdyq berdi.
17 qańtar
Memleket basshysy resmı saparmen Reseı Federasıasyna bardy. N. Nazarbaev pen V. Pýtınniń ekijaqty kezdesýlerinen soń Qazaqstan-Reseı memlekettik shekarasy týraly Shartqa, «QazSAT» qazaqstandyq baılanys jáne taratý jer serigin jasaý jónindegi yntymaqtastyq týraly kelisimge,basqa da mańyzdy qujattarǵa qol qoıyldy.
27 qańtar
Almatyda Elbasynyń qatysýymen álemniń elýden astam memleketiniń ókilderi qatysqan alqaly jıyn - Birikken Ulttar Uıymy Qaýipsizdik Keńesi Antıterrorıstik komıtetiniń basqosýy ótti.
16 aqpan
Memleket basshysy Parlament palatalarynyń birlesken otyrysynda «Qazaqstan ekonomıkalyq, áleýmettik jáne saıası jedel jańarý jolynda» atty Qazaqstan halqyna Joldaýymen tanystyrdy. Nursultan Nazarbaev Ortalyq Azıa elderi Odaǵyn qurýdy usyndy. Qazaqstan, Ózbekstan, Qyrǵyzstan arasynda jasalǵan máńgilik dostyq týraly shart osyndaı birlesý úshin berik negiz bolatynyn qadap aıtty. «Biz oıdaǵydaı jumys istep jatqan naryq ekonomıkasyn qurdyq. Biz tarıhymyzda tuńǵysh ret Shyǵys Azıa memleketteriniń tájirıbesin jáne ózimizdiń kópultty ári kóp dindi qoǵamymyzdyń ereksheligin eskerip, Batys demokratıasynyń qaǵıdattaryna saı keletin táýelsiz memleketimizdi ornattyq. Biz Qazaqstandy Ortalyq Azıanyń kóshbasshysyna, halyqaralyq qurmetti áripteske, halyqaralyq lańkestikke, esirtkiniń jaıylýy men ıadrolyq qarýdyń taralýyna qarsy belsene kúresetin memleketke aınaldyrdyq»,- dedi Prezıdent.
25 marta
Elbasy el astanasynda ótken Qazaqstan kásipkerleriniń I Kongresine qatysty.
8-9 sáýir
Nursultan Nazarbaev jumys saparymen Reseı Federasıasynda boldy.
21 sáýir
Memleket basshysy Almatyda ashylǵan IV Eýrazıalyq medıa-forýmǵa qatysty.Oǵan álemniń qyryqtan astam elinen 400-deı delegat keldi.
6 -7 mamyr
Kongres-hollda Uly Otan soǵysyndaǵy Jeńistiń 60 jyldyǵyna arnalǵan saltanatty jıyn ótti. Ertesinde astanada osy merekege arnalǵan áskerı parad boldy.
8 -9 mamyr
Nursultan Nazarbaev mamyrdyń segizinde Reseı astanasy – Máskeýde ótken TMD-ǵa múshe memleketter basshylarynyń basqosýyna , al ekinshi kúni Uly Otan soǵysyndaǵy Jeńistiń 60 jyldyǵyna arnalǵan merekelik saltanatqa qatysty.
17 mamyr
Memleket basshysy Reseı Federasıasynyń Chelábi qalasynda ótken Qazaqstan men Reseıdiń shekaralas óńirleri basshylarynyń II Forýmyna qatysty.
24-25 mamyr
Nursultan Nazarbaev resmı saparmen Ázerbaıjan Respýblıkasyna bardy.
2 maýsym
Qazaqstan Prezıdenti N. Nazarbaev pen Reseı basshysy V. Pýtın «Baıqońyr» ǵarysh kesheniniń 50 jyldyq mereıtoıyna arnalǵan saltanatty sharaǵa qatysý úshin Baıqońyrda bas qosty.
9 maýsym
Memleket basshysy «Aqorda» rezıdensıasynda Qazaqstan astanasynyń ótkeni, búgini men bolashaǵyna arnalǵan óziniń «Eýrazıa júreginde» atty jańa kitabyn tanystyrdy.
14 maýsym
Nursultan Nazarbaev Almaty qalasynda ótken Azıa qoǵamynyń "Qazaqstan ornyqty damý strategıasyn iske asyrý jáne qoǵamdy jedel jańǵyrtý jolynda" atty Halyqaralyq bıznes-konferensıasyna qatysty.
22 maýsym
Memleket basshysy Reseı Federasıasynyń astanasy – Máskeý qalasynda ótken EýrAzEQ Memleketaralyq Keńesiniń otyrysyna tóraǵalyq etti.
23 maýsym
Máskeý qalasynda Nursultan Nazarbaevtáyń tóraǵalyǵymen UQSHU Ujymdyq Qaýipsizdik Keńesiniń kezekti sesıasy ótti.
5 shilde
Memleket basshysy Elordada ótken SHYU-ǵa múshe memleketter Basshylary Keńesiniń H mereıtoılyq otyrysyna qatysty.
24 tamyz
Prezıdent respýblıkalyq teledıdardyń tikeleı efırine shyǵyp, elimizdiń áleýmettik-ekonomıkalyq damý jaǵdaıy jaıly áńgimelep, qazaqstandyqtardyń suraqtaryna jaýap berdi.
26 -27 tamyz
Memleket basshysy Reseı Federasıasynyń Qazan qalasynda ótken TMD memleketteri basshylary keńesiniń otyrysyna qatysty.Reseı, Belarýs, Qazaqstan jáne Ýkraına quramyndaǵy BEK-ke qatysýshy tórt memleket basshylarynyń kezdesýi ótti.
30 tamyz
Qazaqstan Respýblıkasy Konstıtýsıasynyń 10 jyldyǵyna arnalǵan "Konstıtýsıa: tulǵa, qoǵam jáne memleket" atty Halyqaralyq ǵylymı-praktıkalyq konferensıa bolyp ótti. Oǵan Nursultan Nazarbaev qatysyp, sóz sóıledi.
1 qyrkúıek
Memleket basshysy Qazaqstan Respýblıkasy Parlamenti palatalarynyń birlesken otyrysyna qatysyp, úshinshi saılanǵan Parlamenttiń II sesıasyn ashty.
12 qyrkúıek
Nursultan Nazarbaev Elordada ótken Qazaqstannyń II Azamattyq forýmyna qatysty.
27 -29 qyrkúıek
Elbasy Elordada ótken Dúnıejúzi qazaqtarynyń İİİ Quryltaıyna qatysyp,sóz sóıledi. Quryltaıǵa dúnıe júziniń 32 elinen 300-den astam qandastarymyz jınaldy. Qazaqstannyń barlyq óńirleri men Almaty, Nur-Sultan qalalarynan 200-den astam ókil keldi. Quryltaıda shetel qazaqtaryn Qazaqstannyń joǵary oqý oryndarynda oqytý jaǵdaıy, olardyń tarıhı otanyna ınvestısıalar ornalastyrý múmkindikteri sekildi máseleler talqylandy.
6 qazan
Memleket basshysy Reseı Federasıasynyń Sankt-Peterbýrg qalasynda ótken Ortalyq Azıa Yntymaqtastyq Uıymyna múshe memleketter basshylary keńesiniń otyrysyna qatysty.
8 qazan
Memleket basshysy Shyǵys Qazaqstan oblysynyń Óskemen qalasynda ótken «Qazaqstan: beıbitshilik pen qaýipsizdik úshin halyqaralyq yntymaqtastyqty nyǵaıtý» halyqaralyq sımpozıýmynda sóz sóıledi.
11 qazan
Dál osy kúni Memleket basshysy «Qazaqstan-2030» Strategıasy is júzinde» halyqaralyq konferensıasyna qatysty.
13 qazan
Sol kúni Qazaqstan Respýblıkasy Prezıdenti janyndaǵy Demokratıa jáne azamattyq qoǵam jónindegi Ulttyq komısıanyń VI otyrysy ótti.
25 qazan
Respýblıka kúnine arnalǵan saltanatty jıyn boldy.
28 qazan
Memleket basshysy Elordada ótken Qazaqstan kásipkerleriniń İİ sezine qatysty.
17-18 qarasha
Nursultan Nazarbaev resmı saparmen Ýkraınaǵa bardy.
21 qarasha
Memleket basshysy Qazaqstan Respýblıkasy Úkimetiniń keńeıtilgen otyrysyna qatysty, onda eldiń áleýmettik-ekonomıkalyq damýynyń qorytyndylary men 2005 jyldyń 10 aıyndaǵy respýblıkalyq búdjettiń atqarylýy, sondaı-aq 2003-2015 jyldarǵa arnalǵan ındýstrıalyq-ınnovasıalyq damý Strategıasynyń birinshi kezeńin jáne 2005-2007 jyldarǵa arnalǵan turǵyn úı qurylysynyń memlekettik baǵdarlamasyn iske asyrý nátıjeleri qaraldy.
22 qarasha
Qazaqstan halyqtary Assambleıasynyń XI sesıasy ótti. Oǵan Memleket basshysy tóraǵalyq etti. basqardy.
2 jeltoqsan
Nursultan Nazarbaev pen Vladımır Pýtın Qazaqstan – Reseı memlekettik shekarasyn delımıtasıalaý týraly Shartty bekitý týraly zańdarǵa qol qoıdy.
***
Dál osy kúni Memleket basshysy «Qazaqstan - tek qana alǵa!» uranymen, halyqqa alda ótetin Qazaqstan Respýblıkasy Prezıdentiniń saılaýyndaǵy óziniń saılaýaldy tuǵyrnamasynyń negizgi erejelerin tanystyrdy.
4 jeltoqsan
Qazaqstan Respýblıkasynyń Prezıdenttigine úmitkerlerdiń saılaýy ótken kún. Memleket basshysy prezıdent saılaýynda Elordadaǵy Gorkıı atyndaǵy orys drama teatrynyń ǵımaratyndaǵy No2 saılaý ýchaskesinde daýys berdi.
Saılaýǵa tirkelgen saılaýshylardyń 77 paıyzy qatysty. Bul saılaýdyń ereksheligi,onda halyqaralyq standarttarǵa sáıkes qadamdar jasaldy. Tuńǵysh ret elektrondy daýys berý ádisi, móldir áınekti daýys berý jáshikteri qoldanyldy, úmitkerlerdiń teledebattary, Exit-pool ótkizildi. Saılaý qorytyndysynda 91,15 paıyz daýys jınap, halyqtyń úlken senimine ıe bolǵan Nursultan Nazarbaev aıqyn jeńiske jetti.
5 jeltoqsan
Memleket basshysy AQSH Kongresi Ókilder palatasynyń múshesi Ch.Melanson bastaǵan halyqaralyq baıqaýshylar tobyn qabyldady, olar N.Á.Nazarbaevty prezıdenttik saılaýdaǵy sózsiz jeńisimen quttyqtady. Dál osy kúni Nursultan Nazarbaev sheteldik jáne otandyq BAQ ókilderine arnalǵan baspasóz konferensıasyn ótkizdi, oǵan álemniń jetekshi buqaralyq aqparat quraldary – Reuters, France-Presse, Xinhua, ITAR-TASS, RIA Novostı, «Daily Telegraph» jáne t.b. qatysty.
15 jeltoqsan
Memleket basshysy «Atasý – Alashankoý» Qazaqstan – Qytaı magıstraldyq munaı qubyrynyń iske qosylýynyń saltanatty sharasyna qatysty. Osy kúni keshke Táýelsizdik kúnine oraı Elordada saltanatty jıyn ótti.
JYL TÚIİNİ:
2005 jyly memlekettik damýdyń strategıalyq baǵyttaryn qalyptastyrýda mańyzdy qadamdar jasaldy. 2004-2006 jyldarǵa arnalǵan «Mádenı mura» , 2005-2010 jyldarǵa arnalǵan Qazaqstannyń densaýlyq saqtaý salasyn reformalaý men damytý, 2005-2007 jyldarǵa arnalǵan turǵyn úı memlekettik baǵdarlamalary, «Býrabaı» kýrort aımaǵyn damytý jobasy, Qazaqstan Respýblıkasyndaǵy genderlik teńdikke qatysty 2006-2016 jyldarǵa arnalǵan strategıa – osy aýqymdy jumystardyń bári sonyń aıqyn dáleli. Sonymen qatar bul jyl 2003-2015 jyldarǵa arnalǵan ındýstrıalyq-ınnovasıalyq damý strategıasyn júzege asyrýdyń alǵashqy kezeńin qorytyndylaǵan jyl boldy. Strategıa aıasynda salalyq jáne salaaralyq toǵyz baǵdarlama bekitildi.Solardyń arasynda 2005-2015 jyldarǵa baǵdarlanǵan ulttyq ınovasıalyq júıeni qalyptastyrý men damytý baǵdarlamasyn, qurylys, energıa únemdeý boıynsha buıymdar men konstrýksıalar salalaryn damytý ındýstrıasyn erekshe atap ótýge bolar. Bul ınovasıalyq strategıa zańdyq turǵyda 20-dan astam Zańmen negizdelgenin aıta ketý kerek.
STATISIKA:
2005 jyly Prezıdent respýblıka óńirlerine 20 ret, shet elderge 15 ret resmı saparǵa shyqty. Bir jyl ishinde barlyǵy 83 Zań qabyldanyp, 177 Jarlyqqa qol qoıyldy. Jyl boıy Elbasy elimizdiń barlyq aımaqtaryn aralap qaıtty, 26 óndiristik, 7 aýyl sharýashylyq kásiporyndarynda bolyp, áleýmettik baǵyttaǵy 40 nysannyń jumysymen tanysty.