Din salasyndaǵy máselelerdi zertteý ortalyǵy terorızm men ekstremızmge qarsy is-qımyl boıynsha aqparattandyrý maqsatynda sportshylarǵa arnalǵan profılaktıkalyq is-shara uıymdastyrdy.
Almatyda ótken kezdesýde negizgi nazar quqyqtyq saýattylyqty arttyrý men synı oılaýdy damytýǵa aýdaryldy. Bul – jastardy destrýktıvti ıdeologıalardan qorǵaýdyń mańyzdy tetikteri. İs-sharaǵa qalanyń sportshylary men jattyqtyrýshylary qatysty.
Basty baıandamashy retinde Ortalyq bóliminiń basshysy Ýálı Qaısar Erjanuly sóz sóıledi. Ol radıkaldy ıdeologıalardyń belgileri týraly jan-jaqty túsindirip, ekstremıstik uıymdardyń jastar sanasyna áser etý úshin qoldanatyn manıpýlásıalyq ádisterin atap ótti jáne olardy der kezinde taný joldarymen bólisti.
Sonymen qatar, kúmándi tulǵalardan nemese rettelmegen onlaın kózderden bilim alý qaýipteri de talqylandy. Bul – ásirese áleýmettik jeliler men ınternet-platformalar arqyly jıi taralatyn qazirgi zamannyń ózekti máselesi.
İs-shara qorytyndysynda qatysýshylar mundaı bastamalardyń mańyzdylyǵyn atap ótti. Alynǵan aqparat jastardyń radıkaldy ıdeologıaǵa qarsy ımýnıtetin qalyptastyrýǵa jáne jeke ári qoǵamdyq qaýipsizdikti arttyrýǵa yqpal etetinine senim bildirdi.