Onyń Almaly aýdanynda jasalǵan tórt urlyq deregine qatysy bar ekeni anyqtaldy, dep habarlaıdy aqshamnews.kz Polisia.kz-ke silteme jasap.
Almaty qalasynda kópqabatty turǵyn úılerdiń aýlasynan velosıped urlady degen kúdikpen er adam ustaldy. Tergeý derekterine sáıkes, 1981 jyly týǵan azamat kópqabatty úılerdiń kireberisine kedergisiz kirip, ıesiz qalǵan velosıpedterdi urlap júrgen.
- Ustalǵan adam standartty tizbek boıynsha áreket etken. Ashyq qalǵan podezderdi izdep, erkin kirip, jalpy dálizderde qaldyrylǵan múlikti alyp ketip otyrǵan. Qurmetti qala turǵyndary, velosıpedterdi, samokattardy jáne ózge de zattardy kireberisterde, holdarda, baspaldaq alańdarynda qaldyrmaýlaryńyzdy suraımyz. Bul jerler qaýipsiz bolyp kórinse de, múlkińizdiń qaýipsizdigin qamtamasyz etý úshin qulyptar qoldanyńyzdar jáne tehnıkany jabyq bólmelerde saqtańyzdar, - dedi Almaly aýdandyq polısıa basqarmasynyń bastyǵy Maqsat Pshan.
Joǵaryda atalǵan derekter boıynsha qylmystyq is qozǵaldy. Kúdikti ýaqytsha ustaý ızolátoryna qamaldy. Osyǵan uqsas basqa da oqıǵalarǵa qatysy bar-joǵyn tekserý jalǵasýda.