Astanadaǵy Erkeǵalı Rahmadıev atyndaǵy Memlekettik fılarmonıada XI aımaqtyq Delfıı oıyndary ótti.
Onda "Jas sarbaz" balalar shyǵarmashylyq stýdıasynyń bı toby "Halyq bıi" (10-13 jas sanaty) nomınasıasynda birinshi oryndy ıelendi. Shyǵarmashylyq saıysqa elordanyń 15 bı ujymy qatysty, dep habarlaıdy aqshamnews.kz Qorǵanys mınıstrligine silteme jasap.
- Biz jaqynda ǵana Tashkentten oraldyq. Onda I Love to danse halyqaralyq baıqaýynda bıshilerimiz Gran-prı men "Úzdik halyq bıi" nomınasıasynda birinshi oryndy jeńip aldy. Bul jeńisterdiń bári tárbıelenýshilerdiń shyǵarmashylyq turǵyda jetilýine degen umtylysyn arttyrady, –dedi "Jas sarbaz" balalar stýdıasynyń kórkemdik jetekshisi 3-synypty serjant Almıra Asylbekova.
Endi úsh bı ujymy, onyń ishinde "Jas sarbaz" stýdıasynyń tárbıelenýshileri aldaǵy maýsym aıynda Qaraǵandyda ótetin Ulttyq delfıı oıyndarynda Astananyń namysyn qorǵaıdy.