Bul baıqaý árbir qarıǵa úlken jiger syılady
Qyzylorda qalasyndaǵy «Aqmeshit-Syrdarıa» meshitinde QMDB-nyń uıymdastyrýymen Quran Kárimdi jatqa jáne mánerlep oqýdan Hİ respýblıkalyq baıqaýy ótti dep habarlady Almaty-akshamy.kz muftyat.kz saıtyna silteme jasap.
80 úmitker qatysqan baıqaýdyń jeńimpazdary men júldegerlerin marapattaý rásimine QMDB tóraǵasy, Bas múftı Naýryzbaı qajy Taǵanuly, saýapty is-sharaǵa demeýshilik jasaǵan Baharıdın Ablázımov, zıaly qaýym ókilderi qatysty.
«Allaǵa sansyz shúkirler bolsyn, jasynan Quran jattaǵan qarılardyń baıqaýyn qorytyndylap, marapattap otyrmyz. Osy baıqaýdy ótkizýge atsalysqan QMDB ujymy men Qyzylorda oblystyq ókildigine, qarılardy bastap kelgen oblystardyń bas ımamdary men barsha din qyzmetkerlerine, demeýshi bolǵan Baharıdın Nuǵmanulyna, Sádýaqas Oljabaev qarıymyz bastaǵan ádilqazy múshelerine alǵysymdy bildiremin. Baıqaýǵa qatysqan qarılarymyzdyń bári jeńimpaz atandy dep sanaımyn. Óıtkeni bul baıqaý árbir qarıǵa úlken jiger syılady. Júldelerińiz qutty bolsyn», – dedi Bas múftı marapattaý sátinde.
QMDB Tóraǵasy baıqaýdy uıymdastyrǵan azamattar men ádilqazy múshelerin alǵys hatpen marapattady.
Qazylar alqasynyń sheshimimen 4 atalym boıynsha jeńis tuǵyrynan kóringen qarılardyń tizimi tómendegideı:
Qurandy jatqa aıtýdan birinshi oryn alǵan jambyldyq Imanáli Myrzageldi avtokólik jeńip aldy.
İİ oryn (3 000 000 teńge) – Nyǵmatýlla Abdazımov (Almaty qalasy)
İİİ oryn (2 000 000 teńge) – Raýashan Habıolla (Batys Qazaqstan oblysy)
İV oryn (1 000 000) – Nurtileý Seıitqasym (Almaty oblysy)
V oryn (700 000) – Abaı Shyńǵysuly (Qostanaı oblysy)
Jas qarı Qurandy jatqa aıtyp, kólik jeńip aldy
«Mánerlep oqý» boıynsha:
İ oryn ( 700 000 teńge) – Arman Jambyluly (Atyraý oblysy)
İİ oryn (500 000 teńge) – Azamjan Ysmaıyl (Astana qalasy)
İİİ oryn (300 000 teńge) – Baýbek Bekturǵanov (Almaty qalasy)
Jas qarı Qurandy jatqa aıtyp, kólik jeńip aldy
Al «kórermen kózaıymy» atalymy boıynsha yntalandyrý syılyǵy (500 000) Qyzylorda oblysynan qatysqan Aıýbaı Nur-Muhammed qarıǵa buıyrdy.
Eske salsaq, eki kúnge sozylǵan Quran baıqaýy «Munara TV» telearnasynan tikeleı efırde, «Mýftıat QMDB» YouTube-arnasynan jáne Múftıattyń Instagram-daǵy @muftiyatkz paraqshasynan onlaın kórsetildi.