Respýblıka saraıynda tuńǵysh ret «Jas qanat. Balalar» baıqaýy jáne «Jas qanat» jas oryndaýshylar baıqaýynyń birinshi jartylaı fınaly ótti.
«Jas qanat. Balalar» baıqaýyna 22 úmitker qatysty. Olardyń keremet óner kórsetkeni sonsha, qazylar alqasy sheshim shyǵarar aldynda qınalyp, uzaq talqylady. Nátıjesinde olar úsh júlde taǵaıyndap qana qoımaı, sol jerde Gran-prı týraly sheshim qabyldady.
Gran-prı almatylyq Dastan Turdalyǵa buıyrdy. 1 oryndy Túrkistan oblysynan kelgen Zere Júnisbaı, 2 oryndy mańǵystaýlyq Ámına Asǵatova, 3 oryndy Aqtóbe oblysynan kelgen Balym Nysanaly ıelendi. Jeńimpazdarǵa altyn, kúmis jáne qola qanattardan bólek, aldaǵy halyqaralyq «Azıa daýysy» festıvaline daıyndyq úshin Almaty qalasynyń ákimi Erbolat Dosaevtyń atynan aqshalaı granttar tabys etildi.
Qazylar alqasynyń múshesi, ánshi, sazger Medeý Arynbaev «Bul óte áserli sát boldy. Balalar shyn júrekten án aıtqan kezde tehnıkalyq jáne vokaldyq qabiletteri týraly oılanbaısyń. Bul tazalyq, keremet ertegi, olardyń sezimin sózben jetkizý múmkin emes! Olardan eresekter kóp nárse úırenýi kerek. Árıne, munda jeńilgender joq, bári de jeńimpaz, bári tamasha. Biz uzaq ýaqyt boıy úzdikti tańdaı almadyq», - dedi.
Sondaı-aq búgin «Azıa daýysy» festıvali taqyrybyndaǵy balalar sýreti baıqaýynyń jeńimpazdary da júlde aldy. Qazylar alqasy qola qanatty jezqazǵandyq Aıda Derbiske berdi. Kúmis qostanaılyq Kıra Lantýh, altyn qanat Aısel Muqashevaǵa buıyrdy. Shyǵarmashylyq baıqaýǵa Qazaqstannyń barlyq óńirinen balalar 311 jumys jiberdi. Árıne, olar «Azıa daýysynyń» ne ekenin bilmeıdi. Olar ańyzǵa aınalǵan baıqaý týraly ata-analarynan, ata-ájelerinen surap bilgen. Degenmen, usynylǵan jumystardyń deńgeıi tań qaldyrady. Balalar ártúrli ádisterdi qoldanǵan. Jumystar birneshe sanat, onyń ishinde túpki ıdeıa men shyǵarmashylyq oılaý boıynsha da baǵalandy. Baıqaýǵa 169 mektep, gımnazıa men lıseıden, sondaı-aq analary baıqaý týraly ınternetten óz betinshe bilgen balalar qatysty. Qazir Respýblıka saraıynyń foıesinde qoıylǵan bul týyndylar «Azıa daýysy» kezinde Almaty Gallery qabyrǵasynda qoıylady! Kórermender bul tańǵajaıyp kórmeni taǵy bir ret tamashalaýǵa múmkindik aldy.
1 maýsym kúni keshke «Jas qanat» jas oryndaýshylar baıqaýynyń birinshi jartylaı fınaly ótti. Birinshi jarys kúniniń qorytyndysy boıynsha úzdik úshtik anyqtaldy:
1. Narǵyz Januzaqova, Aqtóbe – 110 upaı
2. Almagúl Battalıeva, Almaty – 108 upaı
3. Ernazar Juban, Almaty jáne Arýjan Bısembaı, Oral – 105 upaı.
Baıqaý kestesi:
3 maýsym. 15:00 - Gala-konsert: Baıqaýdyń 3-shi kúni, fınal (I. Bashqatovtyń jetekshiligimen orkestr), marapattaý rásimi.
3 maýsym. 19:00 – Qorytyndy kesh: «Jas Qanat 2023» jeńimpazdarynyń BAQ ókilderine suhbaty. Meken-jaıy: MediaCafe, Qashqar kóshesi 69\102
Áriptester, sizderge fotosýretter, suhbat uıymdastyrý nemese basqa da qosymsha materıaldar qajet bolsa, bizdiń baspasóz ortalyǵyna habarlasa alasyzdar.
+7 777 363 2820, Marat Qaıyrbekov. j-kanat-smi@internet.ru
Bas demeýshi: «ASTANA MOTORS» QMK «CHERY» saýda belgisimen
Resmı telearna - Almaty.tv
Resmı gazetter: «Almaty aqshamy» jáne «Vechernıı Almaty».
Aqparattyq qoldaý: 1-kanal Evrazıa, NTK, Habar, MUZZONE TV, Business FM, RadioCity, Business Kazakhstan, Qala men Dala, Kursiv, Forbes.kz, Zakon.kz, Caravan.kz, Nege.kz, Arbat.media, Baigenews.kz, Zhatpa.kz, DALA INSIDE jáne Qazaqstan baspasóz klýby.