Almatyda balalar hor ujymdary arasyndaǵy úzdikter anyqtaldy
2024 jyldyń 12 jeltoqsanynda Naýryzbaı aýdanyndaǵy Oqýshylardyń ınovasıalyq shyǵarmashylyq ortalyǵynda «Birtutas tárbıe» baǵdarlamasy aıasynda Almaty qalasy Bilim basqarmasynyń memlekettik tapsyrysy boıynsha uıymdastyrylǵan «MÁŃGİLİK EL ÁÝENDERİ» atty İ qalalyq balalar hor ujymdary arasyndaǵy baıqaýdyń Gala-konserti jáne jeńimpazdardy marapattaý rásimi ótti, dep habarlaıdy aqshamnews.kz
Baıqaý eki kezeńnen turdy. Birinshi kezeńde Almaty qalasynyń barlyq 8 aýdanynda irikteý týrlary uıymdastyryldy. Bul kezeńge 200-den astam mektepten 10 myńǵa jýyq jas ónerpaz qatysty. İrikteý týrlarynda jeńimpaz atanǵan eki hor ujymy baıqaýdyń qalalyq kezeńinde baq synady.
Hor úıirmesine qatysý balalardyń mýzykalyq qabiletterin damytýǵa erekshe yqpal etedi. Árbir hor múshesi óz oryndaýyna jaýapkershilikpen qarap, ánshilik sheberlikterin shyńdaıdy. Bul olardyń mýzykaǵa degen qyzyǵýshylyǵyn arttyryp, oryndaý sheberlikterin jetildiredi. Hor óneri balalardyń shyǵarmashylyq qabiletterin ashyp, mýzykalyq oı-óristerin keńeıtedi.
Bul baıqaýdyń negizgi maqsaty – oqýshylardyń mýzykalyq qabiletterin damytý, hor ónerine degen qyzyǵýshylyǵyn arttyrý, jas talanttarǵa qoldaý kórsetý. Baıqaý jastardyń shyǵarmashylyq áleýetin kóterý arqyly olardyń qoǵamda belsendi, jaýapty jáne eńbekqor azamat bolyp qalyptasýyna yqpal etýdi kózdeıdi.
Baıqaýdyń ádilqazylar alqasynyń quramyna Qazaqstannyń jáne shet elderdiń tanymal mádenıet jáne óner qaıratkerleri endi: Demeýov Beımbet Kenesbaıuly, Chalova Oksana Vıktorovna, Romanov Sergeı Ivanovıch, Jarmenova Leılá Bahıtýllaevna, Mahanov Ǵanı Amankeldiuly.
Qalalyq kezeńge Almaty qalasynyń 8 aýdanynan 16 hor ujymy qatysty. Olardyń qatarynda Almaly aýdanynyń №79 mektep-gımnazıasynyń «Báıterek» hor ujymy, №90 mektep-lıseıiniń «Elim-aı» hor ujymy, Medeý aýdanynyń №56 mektep-gımnazıasynyń «Mechta» hor ujymy, Jetisý aýdanynyń №148 mektep-gımnazıasynyń «Juldyzdar» hor ujymy, Túrksib aýdanynyń №198 mektep-gımnazıasynyń «Jas talant» hor ujymy, Áýezov aýdanynyń №130 mektep-gımnazıasynyń «Baldáýren» hor ujymy, Alataý aýdanynyń №184 jalpy bilim beretin mektebiniń «Balaýsa» hor ujymy, Bostandyq aýdanynyń №140 mektep-gımnazıasynyń hor ujymy, Naýryzbaı aýdanynyń №200 mektep-gımnazıasynyń «Jas daýys» hor ujymy jáne taǵy basqalar bar.
Baıqaý qorytyndysy boıynsha bas júldeni №83 mektep-gımnazıasynyń «Kókek» hor ujymy jeńip aldy. Birinshi oryndy №79 mektep-gımnazıasynyń «Báıterek» hor ujymy ıelense, ekinshi oryndy №207 mektep-lıseıiniń «Aq kógershin» hor ujymy jáne №57 mekteptiń «Jetisý jaýharlary» hor ujymy ózara bólisti. Al úshinshi oryndy №140 mektep-gımnazıasynyń hor ujymy men №210 mektep-lıseıiniń «Áýen» hor ujymy aldy.
Jalpy júlde qory 12 618 000 teńgeni qurady. Bas júlde ıegerine 3 000 000 teńgelik dybystyq akýstıkalyq jıyntyq tabystalsa, birinshi orynǵa 1 936 000 teńgelik, ekinshi orynǵa 1 500 000 teńgelik, úshinshi orynǵa 1 000 000 teńgelik dybystyq akýstıkalyq jıyntyqtar syıǵa berildi. Barlyq qatysýshylarǵa Shure radıomıkrofondary tabystaldy.
Bul baıqaý jas ónerpazdarǵa úlken serpin berip, olardyń hor ónerine degen qyzyǵýshylyǵyn arttyrýǵa zor yqpal etti. Baıqaý balalardyń shyǵarmashylyq áleýetin ashyp, jańa bıikterge jeteleıtin myqty yntalandyrý boldy.