Qorǵanys mınıstrligi ótkizetin áskerı-patrıottyq jumys sheńberinde Bitimgerlik operasıalar ortalyǵynyń áskerı qyzmetshileri men azamattyq personalynyń balalary úshin bir aptalyq demalys balalar lagerinde uıymdastyryldy.
Birinshi kúni balalar Bitimgerlik operasıalar ortalyǵynyń áskerı qyzmetshileri daıyndaǵan qyzyqqy toly baǵdarlamasyny tamashalaýǵa «Bitimger» oqý-jattyǵý ortalyǵyna bardy, dep habarlaıdy Almaty-akshamy.kz.
Balalarǵa áskerı tehnıka men qarý-jaraq úlgileri, sondaı-aq baılanys quraldary kórsetildi. Keıin jasóspirimder jattyǵý granatalaryn laqtyrý, atys qarýyn bólshekteý jáne qurastyrý boıynsha armıa normatıvterin oryndaý kezinde jyldamdyqpen, kúshpen jáne sheberlikpen básekege ózara tústi. Sońynda balalarǵa pnevmatıkalyq myltyqtardan atý múmkindigi berildi.
Ońtústik kúniniń ystyǵyna qaramastan, bolashaq el qorǵaýshylary jaýyngerlik daıyndyq baǵdarlamasynda qarastyrylǵan barlyq jattyǵýlardy úlken qulshynyspen jáne muqıat oryndady.
– Keremet ótti! Endi biz is júzinde áskerı qyzmetshi bolýdyń ońaı emes ekenin bilemiz, – deıdi Bitimgerlik operasıalar ortalyǵynyń áskerı qyzmetshisiniń uly İlıas Tájibaev. – Ákemniń jumysy qıyn, jaýapty jáne óte qyzyqty ekenin uqtym!
Belsendi saıystan keıin bitimgerler balalardy naǵyz sarbaz botqasynyń dámin tatqyzyp kórdi.
– Bul balalarymyzǵa ákeleriniń ne istep jatqanyn bilýge jáne kórýge tamasha múmkindik boldy, – deıdi ata-analardyń biri Aıjamal Bazar. – Bitimgerlik operasıalar ortalyǵynǵa barǵan balalarymyz tamasha áser aldy, sizderge rızamyz.
Kelesi kúnderi balalardy mádenı-demalys, sporttyq is-sharalar men joryqtardy qamtıtyn qyzyqty baǵdarlama kútip tur. Balalar delfınarııge, haıýanattar baǵyna, «Medeý» muz aıdynyna barady, aspaly jolmen júredi. Sondaı-aq, Qorǵanys mınıstrligi Ulttyq áskerı-patrıottyq ortalyǵynyń mýzeıine jáne «Dańq memorıaly» keshenine ekskýrsıalar josparlanǵan.
Odan bólek Taý daıyndyǵy ortalyǵyna barý da josparda bar, munda tájirıbeli nusqaýshylar balalarǵa taý jaǵdaıynda ómir súrý erekshelikterin aıtyp, kórsetip, olarǵa ózderin naǵyz áskerı álpınıser sıaqty sezinýge múmkindik beredi.
– Bitimgerlik operasıalar ortalyǵy áskerı qyzmetshileriniń balalary úshin aldaǵy apta umytylmas bolyp qana qoımaı, fızıkalyq turǵydan shynyǵyp, shymyr bolýǵa, paıdaly bilim, praktıkalyq daǵdylar alýǵa jáne árıne, jańa dostar tabýǵa múmkindik beretinine senimdimin, – dep aıaqtady sózin Ortalyqtyń aǵa ofıseri Ánýar Arynǵazıev.