Jas aqyndar «Kórkem qala - Almaty» músháırasynda baq synaı alady

Almaty kúnine oraı qalalyq Ortalyqtandyrylǵan kitaphana júıesi Qazaqstan Jazýshylar odaǵymen birlesip, qala ákimdiginiń qoldaýymen «Kórkem qala - Almaty» atty aqyndar músháırasyn ótkizedi.

Músháırany Almaty qalasynyń ákimdigi, Almaty qalasy mádenıet basqarmasynyń qoldaýymen «Almaty qalasy Ortalyqtandyrylǵan kitaphana júıesi» KMM, Qazaqstan Jazýshylar odaǵy, «Tulǵa-dostyq» qoǵamdyq qory uıymdastyrady, dep habarlaıdy Almaty-akshamy.kz.

Múshaıra jas aqyndar shyǵarmashylyǵyn qoldaý jáne ádebıetti damytý maqsatynda ótkiziledi.

Qatysýǵa nıet bildirgen aqyndar úshin kelesi erejeler bekitilgen:

• Músháıraǵa 16-40 jas aralyǵyndaǵy aqyndar qatysa alady;


• Almaty qalasyn áserli poetıkalyq túrde beınelep, onyń ótkeni, búgingi tynys-tirshiligin jáne keleshegin kórsetý qajet;


• Óleńniń kórkemdigine, taqyrypty ashýyna, oı ushqyrlyǵyna basty nazar aýdarylady.


• Almaty qalasy týraly buryn jarıalanbaǵan bir ólendi korkemkala_almaty@mail.ru elektrondy poshtasyna jiberý;


• Óleńniń kólemi 3 betten aspaı, A-4 formatynda Microsoft Word mátindik redaktorymen «Times New Roman» 14 shrıft, jolaralyǵy - 1.5 bolyp terilýi tıis;


• Qatysýshylar shyǵarmalarymen qosa jeke kýáliginiń kóshirmesi, qysqasha ómirbaıany, 3h4 túrli-tústi sýretti, turǵylyqty mekenjaıy, telefon nómiri jaıly málimetterdi jiberý kerek;


• Úmitkerlerdiń shyǵarmalary 2022 jyldyń 18 qyrkúıegine deıin qabyldanady;


• İs-shara 2022 jyldyń 20 qyrkúıeginde qorytyndylanady;


• Qazylar alqasynyń saraptaýynan ótken shyǵarmalardyń avtorlary aqshalaı syılyqtarmen marapattalady.

Músháıranyń júlde qory:

• Bas júlde – 500 000 teńge;


• I - oryn – 400 000 teńge;


• II - oryn – 300 000 teńge;


• III - oryn – 200 000 teńge;


• 1 qatysýshyǵa Ahmet Baıtursynuly atyndaǵy arnaıy júlde – 150 000 teńge;


• 6 qatysýshyǵa yntalandyrý júldesi – 300 000 teńge (ár qatysýshyǵa 50 000 teńgeden).

Júldegerlerdi belgili tulǵalardan quralǵan qazylar alqasy anyqtaıdy.

Jyr saıysynyń erejesi týraly tolyq aqparat áleýmettik jileler men ınternet-saıttarda jarıalanady.

Tolyq aqparatty kelesi nómirler boıynsha alýǵa bolady:
+7 (727) 279-33-15; +7 705 987-68-50.