Bul shara 24 qazanǵa deıin jalǵasady.
Almatyda ekobelsendiler taýda jáne termaldy bulaqta tazalyq jumystaryn júrgizdi, dep habarlaıdy aqshamnews.kz
Almatyda «Almaty – bizdiń ortaq úıimiz» qalalyq bastamasy men respýblıkalyq «Taza Qazaqstan» baǵdarlamasy aıasynda «Jarqyn kúz» aksıasy ótip jatyr.
Bul joly Aıýsaı shatqalynda Almaty qalasynyń týrızm basqarmasy men Almaty TourismBureau uıymdastyrǵan tabıǵı nysandar men vızıt-ortalyqtyń aýmaǵyn tazalaý sharasy ótti. Qatysýshylar ózen jaǵalary men jol boıyndaǵy alańqaılardy plasıkalyq bótelkeler men qoqystardan tazartty. Sonyń nátıjesinde demalýshylardan qalǵan 300 kelige jýyq qoqys jınaldy.
«Bul jaı ǵana tazalaý emes, bolashaqqa jasalǵan qadam. Tabıǵatqa zıan keltirip, beı-jaıqaraýǵa bolmaıdy. Búgingi is-shara árqaısymyzdyń qorshaǵan orta men qalamyzdyń biregeı tabıǵatyn qorǵaýǵa úles qosa alatynymyzdy kórsetti», – dedi Qazaq National Parks kompanıasynyń ókili TilekÁdiljanov.
«Taza Qazaqstan» baǵdarlamasynyń kúzgisıkly – «Jarqyn kúz» naýqanyn almatylyq belsendiler de qoldap, Almaarasan ystyq bulaǵynda kezekti senbilik ótkizdi.
Bul toptyń quramyndaǵy salaýatty ómirsaltyn ustanýshylar ár demalys saıyn taýǵashyǵyp, tabıǵattyń bastapqy kelbetin qalpynakeltirýge tyrysady. Qoldarynda qolǵap, qoqysqaarnalǵan qapshyqtar men shynaıy nıetpen iske kirisken belsendiler týrıser qaldyrǵan plasık jáne basqa da ekojúıege qaýip tóndiretinqoqystardy jınaıdy.
Belsendilerdiń biri Tımýr Hasenov toptyńbastapqyda 2023 jyly naýryzda qurylǵan 35 adamnan turatynyn aıtty.
"Biz taýǵa densaýlyqty nyǵaıtyp, ózende shomylýǵa keletinbiz. Biraq demalýshylardan qalǵan qoqys kóp ekenin kórdik. Bul ádetke aınaldy, ár senbi, jeksenbi saıyn osynda tazalyqjúrgize bastadyq. Keıin top úlkeıdi. Qazir bizmuny eki jylǵa jýyq jalǵastyryp kelemiz – aptasyna 3-4 ret topqa bólinip, qoqys jınaımyz. Alǵashynda bir paketten jınaıtynbyz, qazir árserýen saıyn 6-7 qapqa deıin jınaımyz. Ortashaalǵanda, ár joly 75-80 keli qoqys jınaımyz, bizarnaıy qaptardy ólshep te kórdik", – dedi Tımýr.
«Jarqyn kúz» kúzgi ekologıalyq naýqanyna Almatynyń sport mektepteriniń tárbıelenýshileri de qosyldy. Jas sportshylar men olardyń jattyqtyrýshylary oqý oryndarynyń aýmaǵyn tazartyp, chellendjge qatysty.
"Barlyq nıet bildirýshiler kóshege shyǵyp, qalamyzdy kórkeıtýge, aǵash otyrǵyzýǵa qatysa alady. Almatyny birge taza ári gúldengen qalaǵa aınaldyraıyq", – dedi ORMBJSM №2 tárbıelenýshisi, Azıa chempıonatynyń júldegeri Maksım Balabın.