Qazaqstan Respýblıkasy Aýyl sharýashylyǵy mınıstrliginiń Jer resýrstaryn basqarý komıteti Abaı oblysy Semeı qalasynyń jer qatynastary bólimine tekserý júrgizip, nátıjesinde jer telimderin berý kezinde jer zańnamasyn buzý faktileri anyqtaldy.
Osylaısha, ákimdik tarapynan konkýrs (aýksıon) ótkizbeı, jarnamalyq qurylymdardy ornatý úshin jer telimderin zańsyz bergeni, sol arqyly QR Jer kodeksiniń 48-babynyń normalaryn buzǵany anyqtaldy, dep habarlaıdy almaty-akshamy.kz Aýyl sharýashylyǵy mınıstrligine silteme jasap.
Aýmaqtyq departament Abaı oblysynyń mamandandyrylǵan aýdanaralyq ekonomıkalyq sotyna 0,045 gektar aýmaqty quraıtyn 23 jer ýchaskesin jalǵa berý shartyn jaramsyz dep taný týraly talap aryz joldady.
Abaı aýdany mamandandyrylǵan aýdanaralyq ekonomıkalyq sotynyń sheshimimen talap aryz qanaǵattandyryldy.
Abaı oblystyq sotynyń azamattyq ister jónindegi sot alqasynyń qaýlysymen birinshi satydaǵy sottyń qaýlysy ózgerissiz qaldyryldy. Sot aktileri zańdy kúshine endi.