Qazaqstanda býkmekerlik keńseler men totalızatorlar jarnamasyna jańa shekteýlermen aıyppuldar kúshine endi, dep habarlaıdy aqshamnews.kz⠀
Qazaqstan Respýblıkasy Týrızm jáne sport mınıstrligi Oıyn bıznesin jáne lotereıany retteý komıteti 2024 jylǵy 9 qyrkúıekten bastap Qazaqstan Respýblıkasynyń aýmaǵynda býkmekerlik keńseler men totalızatorlardyń jarnamasyna qatysty qatań shekteýler engizilgenin habarlaıdy. Kásipkerler tarapynan týyndaǵan suraqtarǵa baılanysty vedomstvo tómendegi málimetterdi usynady. ⠀
Jarnamany ornalastyrýǵa tyıym salý:
Syrtqy jarnama: Kóshelerde, ǵımarattardyń qasbetterinde, kólik quraldarynda jáne syrtqy qurylymdarda jarnamaǵa tolyq tyıym salynǵan. Bul erejeniń býkmekerlik keńselerdiń nemese totalızatorlardyń ornalasqan jerlerine, sport ǵımarattarynyń ishine jáne sportshylardyń kıimderine qatysy joq. Býkmekerlik keńselerdiń logotıpteri men saýda belgilerin basqa bıznes salalarynyń jarnamasynda qoldanýǵa bolmaıdy. ⠀
Buqaralyq aqparat quraldary: Elimizdegisport telearnalaryn qospaǵanda, kınoteatrlarda, anyqtama kitaptarynda jáne jalpy BAQ-ta jarnamalaýǵa tyıym salynady. «Habar» jáne Qazaqstan sıaqty jalpy mazmundaǵy telearnalar halyqaralyq sporttyq is-sharalardyń tikeleı kórsetilimderi kezinde ǵana býkmekerlik keńselerdi jarnamalaýǵa quqyly. ⠀
Kólik: Kólik quraldarynda jarnama ornalastyrýǵa tolyq tyıym salynǵan. ⠀
Jarnama ruqsat etilgen Sporttyq BAQ: Býkmekerlerdi jarnamalaýǵa tek sport taqyrybyna arnalǵan jáne zań boıynsha tirkelgen sport telearnalary men BAQ-qa ruqsat etiledi. ⠀
Sporttyq is-sharalar men kıimder: Býkmekerlerdiń logotıpteri men saýda belgileri sportshylardyń sporttyq kıimderi men sporttyq qural-jabdyqtarynda ornalastyrylýy múmkin. ⠀
Erekshelikter: Halyqaralyq sporttyq is-sharalardyń tikeleı translásıasy: Býkmekerlerdiń jarnamasy jalpy mazmundaǵy telearnalarda tek halyqaralyq sporttyq jarystardyń tikeleı translásıalary kezinde ǵana ruqsat etiledi. Translásıaǵa deıin jánekeıin jarnamalaýǵa tyıym salynady. ⠀
Týrnırler men obektilerdiń ataýy: Býkmekerlik keńselerdiń taýar belgilerin zańnama saqtalǵan jaǵdaıda sporttyq týrnırlerdiń, obektiler men jobalardyń resmı ataýlaryna engizýge ruqsat etiledi. ⠀
Ereje buzǵany úshin salynatyn aıyppuldar Býkmekerlik keńselerdi nemese totalızatorlardy jarnamalaý týraly zańnama talaptaryn saqtamaý ákimshilik aıyppuldarǵa ákep soǵady: ⠀
Birinshi ret ereje buzǵany úshin: Jeke tulǵalar – 60 AEK, laýazymdy tulǵalar – 80 AEK, shaǵyn kásipkerlik jáne KEU sýbektileri – 120 AEK, orta bıznes sýbektileri – 170 AEK, iri bıznes – 400 AEK. ⠀
Bir jyl ishinde qaıtalanǵan jaǵdaıda: Jeke tulǵalar – 170 AEK, laýazymdy tulǵalar – 200 AEK, shaǵyn kásipkerlik jáne KEU sýbektileri – 250 AEK, orta bıznes sýbektileri – 350 AEK jáne iri bıznes – 650 AEK. ⠀
Zańnama normalaryn buzǵany úshin jarnama berýshi, jarnamany shyǵarýshy jáne jarnamany taratýshy jaýapty bolady. ⠀ Qazaqstan Respýblıkasy Týrızm jáne sport mınıstrligi azamattarǵa jarnama zańnamasyn buzý faktisin baıqasa, Komıtettiń onlaın qabyldaýyna shaǵym joldaı alatynyn eskertedi. Vedomstvo qajetti sharalar qabyldaıdy.