Túrksib aýdanynda memlekettik qyzmetter jármeńkesi ótti.
İs-sharaǵa qalalyq basqarmalardyń, oblystyq bilim berý jáne densaýlyq saqtaý mekemeleriniń, azamattardyń isteri jónindegi memlekettik basqarý organdarynyń, quqyq qorǵaý organdarynyń jáne memlekettik qyzmet kórsetetin basqa da uıymdardyń ókilderi qatysty.
Turǵyndar ózderin tolǵandyrǵan suraqtarǵa jaýap aldy. Sonymen qatar kelýshilerge memlekettik qyzmetterdi kórsetý prosedýralary boıynsha tolyq aqparat men keńes berildi.
Sondaı-aq Túrksib aýdanynyń múgedektigi bar adamdarǵa arnalǵan áleýmettik qoldaý ortalyǵy tóraǵasy Qudaıbergenov Kenje oı-pikirin bólisti.
«Aýdanymyzda osyndaı ıgi is-sharaǵa qatysý kerek dep eseptep, qatystyq. Bizge birqatar azamattar kelip júgindi. Múgedektikti merzimsiz alý, bir emhanadan ekinshisine aýysý, úı jáne t.b. máselelerin aıtyp keldi. Bizder jón siltep, keńes berip, kelýshilerdiń suraǵynyń sheshilgenine atsalysyp júrmiz», - dedi ol.
Sonymen birge jármeńke kelýshiler óz oılaryn ortaǵa saldy.
«Búgingi is-sharadan ózime kerek suraqty surap bildim. "Jas Qanat" turǵyn úı keshenimen 31 mektep aralyǵynda arnaıy balalarǵa arnalǵan qoǵamdyq kólik bolsa deımiz. №27 avtobýsqa qarbalas kezde jurt syımaıdy. Mine, osy oıymyz júzege assa, qýanyp qalamyz», - dedi qala turǵyny Jańagúl Erbazarova.
