Óte kerekti ortalyq bolar.
Almaty oblysynyń ákimi Qanat Bozymbaev Jarkent qalasyndaǵy rezıdensıasyn balalardy ońaltý ortalyǵy jasaýdy usyndy, dep habarlaıdy Almaty-akshamy.kz.
Mundaı usynysty oblys jetekshisi Panfılov aýdanynda turǵyndarmen kezdesý ótkizý barysynda aıtqan. Bul týraly Almaty oblysy ákiminiń baspasóz qyzmeti habarlap otyr.
«Sóz reti kelgende aıta keteıin, osy Jarkent qalasynda oblys ákiminiń rezıdensıasy tur. Jeriniń kólemi - 1 gaktar. Maǵan sol rezıdensıanyń qajeti joq. Aýdanda qonatyn jap-jaqsy qonaq úıler bar. Tamaqty dámdi daıyndaıtyn dámhanalar da kóp. Sondyqtan rezıdensıany balalardy ońaltý ortalyǵyna ótkizip beremin. Bul balasynyń ómir súrýi úshin ár sátin kúrespen ótkizip jatqan, erekshe balalardy baǵyp-qaǵyp otyrǵan ata-anaǵa óte kerekti ortalyq bolar edi dep oılaımyn», - dedi oblys ákimi Qanat Bozymbaev.
Jalpy, Jarkenttegi oblys ákiminiń rezıdensıasy 2013 jyly salynǵan. Bir qabatty ǵımarattyń kólemi 910 sharshy metr. Jer aýmaǵy - 1 ga.
