Eki altyn, úsh kúmis jáne 10 qola.
Tegeranda taekvondodan halyqaralyq týrnırler serıasy ótti. Azıa federasıasynyń prezıdenti kýbogynyń sońǵy kúninde Qazaqstan qorjynyna taǵy bir medal tústi, dep habarlaıdy Almaty-akshamy.kz Olympic.kz silteme jasap.
Bul joly 68 keliniń ókili Erasyl Arapbaı qola júldege qol jetkizdi.
Osylaısha qazaqstandyqtar atalǵan týrnırde úsh medal ıelendi: Jansel Denız – altyn, Smaıyl Dúısebaı men Erasyl Arapbaı – qola júldegerler.
Esterińizge sala keteıik, qazaqstandyqtar Iran astanasynda úsh halyqaralyq jarysqa qatysty: klýbtar arasynda Azıa chempıonaty, dástúrli Fajr Open týrnıri jáne Azıa federasıasy prezıdentiniń kýbogy.
Alaman báıgeler qorytyndysy boıynsha Qazaqstan ulttyq quramasynda ártúrli dárejedegi 15 medal bar: eki altyn, úsh kúmis jáne 10 qola.