Almatylyqtar ardagerlerdiń, jalǵyzbasty zeınetkerlerdiń aýlasyn jınady. Megapolıste «Almaty – bizdiń ortaq úıimiz» naýqany jalǵasyp jatyr.
Naýqanǵa qatysqysy keletin jáne úles qosqysy keletin qala turǵyndarynyń ótinishiniń kóptigine baılanysty Jumyspen qamtý jáne áleýmettik baǵdarlamalar basqarmasy «Jaqynyńa járdem ber» aksıasyn ótkizedi, dep habarlaıdy Almaty-akshamy.kz.
Aksıanyń maqsaty – qalanyń jeke sektorynda turatyn jalǵyzbasty zeınetkerler men erekshe qajettiligi bar qart adamdardyń aýlasyn tazalaýǵa jáne kórkeıtýge kómek kórsetý.
866 erikti men qala turǵyny ardagerler, jalǵyzbasty zeınetkerler, halyqtyń áleýmettik osal toptary turatyn 114 úıdi retke keltirdi.
Jeke úılerdiń aýmaǵy tazartylyp, qorshaýlar boıaldy, aǵashtar sanıtarlyq maqsatta kesilip, aǵartyldy, ósimdikter jáne t.b. otyrǵyzyldy.
Alataý aýdany - 15 úı, 96 erikti,
Túrksib aýdany - 13 úı, 98 erikti,
Almaly aýdany - 49 úı, 290 erikti,
Jetisý aýdany - 8 úı, 42 erikti,
Bostandyq aýdany - 6 úı, 37 erikti,
Áýezov aýdany - 10 úı, 150 erikti,
Naýryzbaı aýdany - 13 úı, 153 erikti.
Aksıa jalǵasýda, taǵy 93 úıdi qamtý josparlanǵan.
Aksıa «Taza Qazaqstan» respýblıkalyq naýqany jáne «Almaty – bizdiń ortaq úıimiz» qalalyq naýqany aıasynda ótýde.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.