Qasym-Jomart Toqaev qazaqstandyqtardy Rojdestvo merekesimen quttyqtady, izgilik pen meıirimge toly bul kúnniń qoǵamda rýhanı qundylyqtardy nyǵaıtýdaǵy mańyzyn atap ótti, dep habarlaıdy aqshamnews.kz
Qurmetti otandastar!
Elimizdiń barsha pravoslav hrıstıandaryn Rojdestvo merekesimen quttyqtaımyn!
Jurtqa jaqsylyq pen úmit syılaıtyn osy jarqyn meıramda dindar jandar adamı qundylyqtarǵa qyzmet etý jolynda ózara birigedi.
Rojdestvoda azamattar erekshe qýanyshqa bólenedi, pravoslav dinin ustanatyn adamdar jaqyndaryna qamqorlyq kórsetip, muqtaj adamdarǵa janashyrlyq tanytýǵa asyǵady.
Pravoslav dini eldiń berekeli birligi men yrysty yntymaǵyn nyǵaıta túsýge, jalpyulttyq biregeıligimizdiń ózegi sanalatyn otanshyldyq, jasampazdyq jáne jaýapkershilik sıaqty qundylyqtardy dáripteýge mol úles qosyp keledi.
Qoǵamdaǵy tatýlyq pen túsinistik Qazaqstannyń turaqty damýynyń myzǵymas tiregi bolyp qala beretinine kámil senemin.
Elimizdiń pravoslav hrıstıandaryna zor densaýlyq, baq-bereke jáne tolaǵaı tabys tileımin!
Rojdestvo merekesi qutty bolsyn!
Kerek derek
- Rojdestvo – Isa Másihtiń dúnıege kelýin atap ótetin hrıstıandyq mereke.
- Rojdestvony katolıkter men protestanttar – 25 jeltoqsan, pravoslavtar – 7 qańtar atap ótedi.
- Merekeniń máni: Meıirimdilik, rýhanı tazalyq pen súıispenshilikti dáripteıdi.
- Salt-dástúrler: Shirkeý qyzmetteri, qaıyrymdylyq ister, otbasylyq dastarhandar.
- Qazaqstanda: Memlekettik deńgeıde tanylǵan, eldegi beıbitshilik pen dostyqtyń sımvoly retinde atap ótiledi.