Ekonomıs Jaqsybek Kúlekeev elimizdi jańa baǵytqa jeteleıtin ekonomıkalyq modeldiń qajettigin aıtty. Onyń pikirinshe, bul model eń aldymen halyqtyń ál-aýqatyn jaqsartýǵa baǵyttalýy tıis.
"Aýyl sharýashylyǵy, týrızm, balamaly energetıka – jańa ekonomıkalyq modeldiń basym baǵyttary bolýy kerek. Sonymen qatar, toǵyz joldyń torabynda turǵan Qazaqstan logıstıkalyq múmkindikterin tıimdi paıdalanyp, halyqtyń áleýetin arttyra alady," – dedi ol.
Jaqsybek Kúlekeev memlekettiń ekonomıkaǵa aralasýyn azaıtý qajettigin atap ótip, jańa ekonomıkalyq saıasattyń basty maqsaty naryqtyq tetikterdi kúsheıtip, ekonomıkany ártaraptandyrý bolýy kerektigin jetkizdi.