Bilim salasynyń sarapshysy, eks-mınıstr Asqat Aımaǵambetov sońǵy jyldary elimizdegi bilim berý salasynda jasalǵan reformalar týraly pikir bildirip, jańa mektepterdiń ashylýyn bolashaqqa salynǵan ınvestısıa dep baǵalady.
"Osydan alty jyl buryn muǵalimderdiń jalaqysy eki-úsh esege ósedi, bastaýysh synyp oqýshylary tegin ystyq tamaqpen qamtylady, qarapaıym jumysshy mamandyq ıeleri Aqordadan memlekettik marapat alady, Ulttyq qordyń qarajaty barlyq balalardyń shotyna aýdarylady dese, kópshilik buǵan senbes edi. Biraq zaman ózgerdi. Prezıdent Qasym-Jomart Toqaev bul baǵyttardy kórsetip qana qoıǵan joq, oǵan aparatyn naqty joldy salyp, iske asyrdy," – dedi ol.
Asqat Aımaǵambetovtyń aıtýynsha, bilim salasyna jasalǵan ınvestısıa – eldiń turaqty damýynyń kepili. Ár jańa mektep – jas urpaqty tárbıeleıtin, olardyń bolashaǵyn qalyptastyratyn mańyzdy mekeme.