Bir adam qaza taýyp, 22-si zardap shekti
Juma kúni Japonıa ortalyǵyna jaqyn ornalasqan aýdandarda jáne Isıkava prefektýrasynda 6,5 magnıtýdasymen bolǵan jer silkinisi saldarynan 1 adam qaza taýyp, 22-si zardap shekti, dep habarlaıdy Almaty-akshamy.kz.
Japonıa meteorologıalyq agenttiginiń (JMA) málimetinshe, qýatty zilzala jergilikti ýaqytpen saǵat 14:42-de (Grınvıch boıynsha 05:42) Sýdzý qalasynda boldy. Qala Isıkava prefektýrasyndaǵy Noto túbeginde ornalasqan.
Jerasty dúmpýiniń kúshi seısmıkalyq qýattylyqtyń japonıa shkalasy boıynsha 6 baldy qurady. Aıta keteıik, maksımaldy shkala – 7. Terbelis 12 km tereńdikte ornalasty.
Jergilikti polısıa málimetinshe, jer silkinisi saldarynan 65 jastaǵy er adam Sýdzý qalasynda baspaldaqtan qulap ketip, mert boldy.
Sondaı-aq úsh úı qıraǵan, qırandylar arasynda qalyp qoıǵan eki adam qutqaryldy.
JMA dereginshe, saǵat 21:58-de (Grınvıch boıynsha 12:58) Noto túbegi aýmaǵynda 5,8 magnıtýdasymen birneshe jerasty dúmpýi tirkeldi.
Meteorolgıalyq agenttik jer silkinisi apta boıy qaıtalanýy múmkin ekendigin eskertti.