Teńgege shaqqanda 3,5 mıllıon tólenedi.
Japonıada Tokıodan ózge aımaqtarǵa qonys aýdarǵan ár azamatqa 1 mıllıon ıen tólenetin boldy. Iaǵnı, otbasyndaǵy ár balaǵa jeke-jeke tólenedi. Bul teńgege shaqqanda 3,5 mıllıon bolady, dep habarlaıdy Almaty-akshamy.kz Inbusiness.kz saıtyna silteme jasap.
Shara alyp shahardaǵy halyqtyń tyǵyz ornalasý máselesin sheshý úshin qolǵa alynǵan. Azamattar qomaqty qarjyny alý úshin kem degende 5 jyl turýy tıis. Eger erte kóship ketse, ony keri qaıtarýy kerek. Úkimet bastama aldaǵy 4 jylda Tokıodan aýyldy jerlerge 10 myń turǵynnyń qonys aýdarýyna ákep soqtyrady dep úmittenedi. Qazir Japonıa astanasynda 14 mıllıon adam turady. Al eldiń qalǵan óńirlerinde jastar azaıyp, halyqtyń qartaıyp bara jatqany baıqalady.