Burynǵy úkimetten úsh adam jańa kabınetke aýysady.
Japonıa Úkimeti tolyq quramda ostavkaǵa ketti, dep habarlaıdy Almaty-akshamy.kz QazAqparat-qa silteme jasap.
Qyrkúıek aıynyń basynda shtat basshysy Ioshıhıde Sýga partıa basshysy laýazymyna ózin usynbaıtynyn málimdegen. Bul shyn máninde onyń Premer -Mınıstr qyzmetinen ketýin bildirdi. 2012-2017 jyldary Sındzo Abe Úkimetinde Syrtqy ister mınıstri bolǵan Fýmıo Kıshıda ótken sársenbide partıalyq saılaýda jeńiske jetti. Dúısenbi, 4 qazanda, Japonıa Parlamentiniń eki palatasy da Premer-Mınıstrdiń kandıdatýrasyna daýys beredi, sodan keıin ol óz mınıstrler kabınetin taǵaıyndaıdy. Premer-Mınıstr partıalar usynǵan kandıdattardyń kópshilik daýysymen saılanady. Ádette, bul partıalardyń kóshbasshylary. Osylaısha, Parlamenttegi kóp orynǵa ıe partıanyń basshysy Premer-Mınıstr bolady. Iaǵnı saılaýda jeńiske jetken Lıberal -demokratıalyq partıasynyń kóshbasshysy Fýmıo Kıshıda Japonıanyń 100 -shi Premer-Mınıstri atanady. Ol dúısenbide resmı túrde mınıstrler kabınetin qurýǵa nıetti. Mınıstrlikke kandıdattardy irikteý demalys kúnderi aıaqtaldy. Hırokazý Masýno Úkimettiń bas hatshysy bolmaq. Burynǵy Úkimetten úsh adam jańa kabınetke aýysady: Syrtqy ister mınıstri Toshımısý Motegı men Qorǵanys mınıstri Nobýo Kıshı óz qyzmetterin saqtap qalady, al Ǵylym jáne bilim mınıstrligin basqarǵan Koıchı Hagıýda ekonomıka, saýda jáne ónerkásip mınıstrligin basqarady.