Jarysqa álemniń 12 elinen eń myqty áıelder quramasy qatysty.
Qazaqstandyq grosmeıster Dınara Sádýaqasova áıelder arasyndaǵy FIDE (FIDE World Women’s Team Championship) komandalyq álem chempıonatynyń qola júldegeri atandy, dep habarlaıdy Almaty-akshamy.kz Baq.kz-ke silteme jasap.
Ispanıada áıelder arasyndaǵy FIDE (FIDE World Women’s Team Championship) komandalyq álem chempıonaty ótti. Jarysqa álemniń 12 elinen eń myqty áıelder quramasy qatysty: Amerıka, Ázirbaıjan, Armenıa, Germanıa, Grýzıa, Úndistan, Ispanıa, Qazaqstan, Polsha, FSHR (Reseı), Ýkraına jáne Fransıa elderiniń quramasy.
Chempıonatta Jansaıa Ábdimálik, Dınara Sádýaqasova, Merýert Kamalıdenova jáne Gúlmıra Dáýletova syndy myqtylary bar Qazaqstan quramasy shahmat taqtasynda óner kórsetti.
Búgin qazaqstandyq grosmeıster Dınara Sádýaqasova komandalyq chempıonattyń qola júldegeri atanǵanyn jazdy.
- Medal tosyn syı boldy, óıtkeni komandalyq jarystarda jalpy nátıjege nazar aýdarasyń jáne jeke taqtada bolsa da, Qazaqstan júldegerler qatarynan kóringenine qýanyshtymyn, - dedi Dınara Facebook paraqshasynda.