Jekpe-jek 10 raýndqa josparlanǵan
Erteń, ıaǵnı 21 qarashada Las-Vegasta (AQSH) qazaqstandyq boksshy Jánibek Álimhanuly (10-0, 6 KO) men fransıalyq Hassan Ndam Njıkam (38-5, 21 KO) tıtýldyq jekpe-jegi ótedi. Boksshylardyń kezdesýi tańǵy 08:00-ge josparlanǵan, dep habarlaıdy Almaty-akshamy.kz Express Qazaqstan-ǵa silteme jasap.
Álimhanuly-Njıkam jekpe-jeginiń tikeleı kórsetilimi Nur-Sultan qalasynyń ýaqytymen 08:00-de bastalady. Ony tikeleı efırde «Qazsport» telearnasy kórsetedi.
Jekpe-jek 10 raýndqa josparlanǵan. Boksshylar orta salmaqtaǵy WBO Global chempıony ataǵyn sarapqa salady.
Jánibek Álimhanuly óziniń sońǵy jekpe-jegin maýsym aıynda ótkizgenin eske sala keteıik. Ol kezde ol orta salmaqta álem chempıony bolǵan amerıkalyq boksshy Rob Brantty (26-3, 18 KO) 8-shi raýnda nokaýtqa jibergen edi. Al Hassan Ndam Njıkam shilde aıynda bokstasyp, vengrıalyq Gabor Gorbıchti (26-22-2, 16 KO) upaı boıynsha jeńdi.