Amerıkalyq boksshy Chordeıl Býker (23 jeńis, 1 jeńilis, 11 nokaýt) qazaqstandyq WBO jáne IBF nusqasy boıynsha álem chempıony Jánibek Álimhanulymen rıngte kezdesýge daıyn ekenin málimdedi, dep habarlaıdy aqshamnews.kz
Buǵan deıin Jánibek Álimhanuly áleýmettik jelilerde chempıondardyń onymen judyryqtasýdan qashyp júrgenin aıtqan bolatyn. Ol aldymen tıtýldaryn sátti qorǵap, keıin basqa uıymdar chempıondarymen judyryqtasýdy josparlap otyrǵanyn málimdegen edi.
"Chempıondar menimen shaıqasqysy kelmeıdi. Men eki tıtýldy qorǵaıtyn bolamyn. Bir jekpe-jekten keıin bir chempıondy qolǵa túsiremin dep oılaımyn", – dep jazdy Jánibek.
Chordeıl Býker qazaqstandyq boksshynyń bul málimdemesine dereý jaýap berip, Álimhanulyna qarsylas qajet bolsa, kez kelgen ýaqytta daıyn ekenin jazdy.
Bul kezdesý shyn máninde bola ma? Jankúıerler úshin bul úlken ıntrıgaǵa aınaldy. Eki myqty boksshynyń jekpe-jegi álemdik arenada naǵyz oqıǵa bolmaq. Álimhanuly óz myqtylyǵyn taǵy bir dáleldeı ala ma? Býker bul múmkindikke laıyq pa? Jaýap tek rıngte beriledi!