Jaqsylyqtan jan rahat tabady
Jantaný iliminde «Júrek jyly sóz estigende tynyǵady» deıdi. Qandaı ǵajap aıtylǵan sóz. Munyń astarynda birqansha oılar tunyp jatyr. Adam balasyna bul ǵumyrda kóp nárse kerek emes. Basty qajetti qaǵıda osy. Bizder «Jaqsylyqtyń erte keshi joq» degen oıdyń túbin qozǵaýdy qup kórdik.
Jaqsylyq jarshysy. Úlkender árdaıym ıgi is istegeýge úıretip baǵady. Bul bizdiń sonaý atadan balaǵa mura bolyp qalǵan dástúrimizdeı. Ár bilgenin, ómirden kórgenin óziniń artyna úlgi-ónege retinde aıtyp otyrǵan. Sonymen qatar ár balasyna synaı qaraǵan. Sonyń ishinde kisiniń ala jibin attamaýǵa úıretken. Sypaıy, meıirimdi, rýhty azamat bolyp ósýge baýlyǵan. Bul - qazaqtyń san ǵasyrlyq tálim-tárbıesiniń kórinisi. Sonymen qatar «jasalǵan uly istiń qaıyrly bolaryna» sengen. Baǵamdap qarar bolsańyz, ol solaı da bolǵan.
Jan rahaty – jyly sózde. Qytaı oıshyly Konfýsıı «aqyl aıtý ońaı, sony júzege asyrý qıyn» depti. Shynymen de, osy atalǵan qasıetterdi daǵdyǵa aınaldyrsaq, rahatqa bólenemiz. Bári qarbalasyp turǵan shaqta osyndaı rýhanı qundylyqqa kóńil bólsek, ozǵanymyz bolar edi. Tym quryǵanda kisige jyly sóz arnap, qýatty jiger bersek, siz de, ol da ushpaqqa shyqqandaı sezinedi. Osynyń kiltin izdeýdiń qajeti joq. Bul – qarapaıymdylyqtyń bir belgisi.
Túıin. Psıhoanalız iliminiń negizin salýshy Zıgmýnd Freıd «Ár adamnyń túısiginde eshkimge aıtpaıtyn tilek-armany bolady. Keıde ózi de moıyndamaıtyn tym qupıa qalaýy bolatyny ras» depti. Ǵalymnyń sózinde mán-maǵyna tunyp jatyr. Joǵarydaǵy birshama oılar osy pikirmen úılesedi. Aıtarymyz, janyńyz árdaıym jadyrap júrsin!