Bul týraly densaýlyq saqtaý magıstri, «Zerthanalyq medısına jáne saraptama qaýymdastyǵy» zańdy tulǵalar birlestiginiń prezıdenti Raıhan Mamyrova Almaty óńirlik komýnıkasıalar qyzmeti alańynda habarlady.
Raıhan Mamyrova jedel testterdiń arqasynda aýrý juqtyrǵandardy, onyń ishinde jeńil jáne sımptomsyz naýqastardy anyqtaýǵa bolatynyn jetkizdi, dep habarlaıdy Almaty-akshamy.kz
Nátıjesinde kóptegen adamdardy testileý jáne koronavırýsty der kezinde anyqtaý indettiń taralýyn toqtata alady.
Eske salsaq, ekspress-testten ótkizýdi keńeıtý bastamasy Almatynyń bas sanıtarlyq dárigeri Jandarbek Bekshınge tıesili.
«Dúnıejúzilik densaýlyq saqtaý uıymy usynǵan synaqtardyń sezimtaldyǵy zertteldi. Bizdiń ǵylymı tobymyz osy synaqtardyń tıimdiligin dáleldedi, on óndirýshiniń synaqtaryn zerttedi. Synaqtardy qoldaný óte ońaı, bir jıyntyqta muryn men tamaqtyń jaǵyndysyn alýǵa arnalǵan zondtar bar. Osydan keıin zondty arnaıy suıyqtyqqa salý kerek. Bir jolaq – teris nátıjeli, ekeýi – oń», - dedi R. Mamyrova.
Jedel testterdi zertteý 10 zerthana negizinde júrgizildi: El Lab PCR, KDL Olımp, Medısına 100+ (ILAB 100+), SMLAB (Sapa), GammaLab, I.S Jekenova atyndaǵy qalalyq klınıkalyq ınfeksıalyq aýrýhana, qalalyq balalardyń klınıkalyq ınfeksıalyq aýrýhana, Innosol, Ulttyq saraptama ortalyǵy SHJQ RMK jáne bıologıalyq qaýipsizdik problemalary ǵylymı-zertteý ınstıtýty (OTAR).
- Jedel testter epıdemıologıanyń mańyzdy quraly bolyp tabylady, - deıdi sarapshy. Alynǵan nátıjelerdiń arqasynda naýqastardy tez emdeýge jáne oqshaýlaýǵa bolady.