«Qazgıdromet» RMK aýa raıynyń buzylýyna baılanysty 30 naýryzda birneshe óńirde eskertý jarıalady, dep habarlaıdy Almaty-akshamy.kz.
Tańerteń jáne kúndiz Jambyl oblysynyń taýly aýdandarynda qatty jaýyn-shashyn (jańbyr, qar) kútiledi. Tańerteń jáne kúndiz oblystyń ońtústiginde, taýly aýdandarynda naızaǵaı oınaıdy.
Astana qalasynda soltústik-shyǵystan jel soǵady, keı ýaqytta jyldamdyǵy 15-20 m/s quraıdy. Aýa temperatýrasy kúrt tómendeıdi: túnde -3-5 deıin túsip, kúndiz 1-3 jyly bolady.
Akmola oblysynda aýa temperatýrasy kúrt tómendeıdi: túnde 3-8 deıin, óńirdiń soltústiginde -11 gradýsqa deıin sýıdy. Kúndiz -2 aıaz, +3 jyly bolady.
Pavlodar oblysynyń soltústigi men shyǵysynda soltústikten jel soǵady, ekpini 15-20 m/s quraıdy. Aýa temperatýrasy kúrt tómendeıdi: túnde 3-8 gradýs aıazǵa deıin, kúndiz 1-6 jylyǵa deıin.
Kúndiz Atyraý oblysynyń soltústiginde, shyǵysynda, ońtústiginde shańdy daýyl kútiledi. Shyǵystan, ońtústik-shyǵystan jel soǵady, kúndiz óńirdiń soltústiginde, shyǵysy men ońtústiginde ekpini 15-20 m/s quraıdy.
Túnde Qaraǵandy oblysynyń shyǵysynda tuman boljanady. Soltústik-shyǵystan jel soǵady, kúndiz oblystyń soltústigi men shyǵysynda ekpini 15-20 m/s quraıdy.
Kúndiz Shyǵys Qazaqstan oblysynnyń soltústigi men shyǵysynda jaýyn-shashyn (kóbinese jańbyr) bolady. Jel batystan, soltústik-batystan soǵady, kúndiz ekpini 25 m/s deıin jetýi yqtımal.
Kúndiz Abaı oblysynyń batysynda, soltústigi men ortalyǵynda jańbyr jaýady. Jel soltústik-batystan, soltústikten soǵady, kúndiz ekpini 25 m/s kúsheıýi múmkin.
Túrkistan oblysynyń batysynda, ońtústiginde, taýly jáne taý bókterli aýdandarynda naızaǵaı oınap, ońtústik-shyǵystan jel soǵady, naızaǵaı kezinde ekpini 15-20 m/s quraıdy.
Shymkent qalasynda keı ýaqytta naızaǵaı oınap, ońtústik-shyǵystan jel soǵady, naızaǵaı kezinde ekpini 15-20 m/s quraıdy.
Kúndiz Mańǵystaý oblysynyń shyǵysy men ortalyǵynda shańdy daýyl turady. Ońtústik-shyǵystan soǵatyn jel soltústik-batysqa aýysyp, túnde oblystyń ońtústik-batysynda, kúndiz basym bóliginde kúshi 15-20 m/s quraıdy.
Qostanaı oblysynyń basym bóliginde soltústik-shyǵystan, shyǵystan jel soǵady, ekpini 15-20 m/s quraıdy. Kúndiz óńirdiń ońtústiginde kúshi 23 m/s jetýi yqtımal.
Túnde Aqtóbe oblysynyń soltústiginde, shyǵysynda, kúndiz basym bóliginde jel soǵady. Ekpini – 15-20 m/s.
Túnde jáne tańerteń Soltústik Qazaqstan oblysynyń batysynda tuman bolady. Soltústikten, soltústik-shyǵystan soǵatyn jeldiń jyldamdyǵy 15-20 m/s quraıdy.
Ulytaý oblysynyń soltústigi men ortalyǵynda soltústik-shyǵystan jel soǵady, ekpini 15-20 m/s quraıdy.