Almatyda dzúdodan jasóspirimder men jastar arasynda Azıa kýbogi ótedi
7-9 sáýir kúnderi Almaty qalasyndaǵy Balýan Sholaq atyndaǵy sport saraıynda Beket Mahmutovty eske alýǵa arnalǵan dzúdodan jasóspirimder men jastar arasynda Azıa kýbogi ótedi, dep habarlaıdy Almaty-akshamy.kz.
Halyqaralyq dzúdo federasıasynyń kúntizbesine sáıkes ótkizilgeli otyrǵan jarysqa 2006-2007 jyldary dúnıege kelgen jasóspirimder men 2003 -2005 jyldary týǵan jas tatamı sheberleri qatysady.
IJF erejesine sáıkes, Azıa kýbogynyń jeńimpazdarymen júldegerlerine reıtıńtik upaı qosylady. Jarys jeńimpazdaryna 100 upaıdan berilse, kúmis júldegerge 60, qola júldegerge 40 upaıdan beriledi.
Bıyl altynshy ret uıymdastyrylyp otyrǵan Azıa kýbogine Qazaqstan, Ózbekstan, Tájikstan, Qyrǵyzstan, Mońǵolıa, Gonkong, Túrkimenstan, Gresıa, Grýzıa jáne AQSH-tan - barlyǵy 400-den astam dzúdoshy qatysady dep josparlanǵan.
Mahmutov Beket Sapabekuly - 2009-2012 jyldar aralyǵynda Qazaqstan Dzúdo federasıasynyń prezıdenti, sondaı-aq Azıa Dzúdo odaǵynyń vıse-prezıdenti qyzmetin atqarǵan. Dzúdodan Beket Mahmutov atyndaǵy týrnır 2017 jyldan beri Almaty qalasynda dástúrli túrde ótkizilip keledi.