Úkimette 2023 jyly ishki naryqty janar-jaǵarmaımen qamtý máselesi jóninde keńes ótti.
QR Premer-Mınıstri Álıhan Smaıylov 2023 jyly ishki naryqty janar-jaǵarmaı materıaldarymen qamtamasyz etý máseleleri jóninde keńes ótkizdi, dep habarlaıdy Almaty-akshamy.kz QR Úkimetiniń baspasóz qyzmetine silteme jasap.
Energetıka mınıstri Bolat Aqsholaqov pen «QazMunaıGaz» UK» AQ basqarma tóraǵasy Maǵzum Myrzaǵalıev ártúrli otyn túrleriniń qorlary, óndiris josparlary jáne janar-jaǵarmaı materıaldary naryǵyndaǵy ahýaldy baıandady.
Keńeske qatysýshylar ishki naryqty dızel otynymen, atap aıtqanda, janarmaı beketi jelilerin, aýyl sharýashylyǵy taýaryn óndirýshilerdi, ónerkásip jáne kólik kásiporyndaryn dızel otynymen qamtamasyz etý, baǵa belgileý, ımport, Shymkent MÓZ-iniń qýatyn ulǵaıtý jáne basqa da birqatar máseleni talqylady.
Premer-Mınıstr otynnyń Qazaqstannan tys jerlerge kóp mólsherde «shyǵarylýyn» azaıtý úshin ishki naryqta janar-jaǵarmaı materıaldaryn satýǵa monıtorıń pen baqylaýdy kúsheıtý qajettigin atap ótti. Osyǵan baılanysty Úkimet basshysy janar-jaǵarmaı materıaldaryn ótkizýdi esepke alý úshin stansıalardy arnaıy sıfrlyq júıemen tolyq qamtýdy uıymdastyrýdy tapsyrdy.
Keńes qorytyndysy boıynsha Premer-Mınıstr birqatar naqty tapsyrmalar berdi.