Buıryq jobasy qoǵamdyq talqyǵa salyndy.
İshki naryqta janar-jaǵarmaı tapshylyǵyn boldyrmaý maqsatynda Energetıka mınıstrligi munaı ónimderin temir jol kóligimen eksporttaýǵa tyıym salýdy josparlap otyr, dep habarlaıdy aqshamnews.kz
Mınıstrlik «Qazaqstan Respýblıkasy aýmaǵynan munaı ónimderin áketýdiń keıbir máseleleri týraly» birlesken buıryqtyń jobasyn ázirledi. Ol boıynsha Qazaqstan Respýblıkasynyń aýmaǵynan, onyń ishinde Eýrazıalyq ekonomıkalyq odaqqa múshe memleketterge munaı ónimderin avtomobıl jáne temirjol kóligimen áketýge 6 aı merzimge tyıym salý kózdelgen.
Qazir JJM tutynýdyń ádetten tys ulǵaıýy jáne ishki naryqta qalǵan ónimniń azaıýy baıqalady. Atap aıtqanda, Qazaqstannyń ońtústik shekaralas aımaqtarynda aıtarlyqtaı ósim baıqalady. Bul jaǵdaı Qazaqstan Respýblıkasynda jáne shekaralas elderdegi munaı ónimderi baǵasy arasyndaǵy aıyrmashylyǵymen baılanysty, osynyń saldarynan ónim shekaralas elderge áketilip jatyr, – delingen mınıstrlik habarlamasynda.
Birlesken buıryqtyń jobasy «Ashyq NQA» saıtynda qoǵamdyq talqyǵa usynyldy.