Benzın, dızel otyny, basqa da munaı óńdeý ónimderiniń jekelegen túrlerine shekteý engizildi.
Respýblıka aýmaǵynan janar-jaǵarmaı materıaldaryn kólikpen áketýge 4 aıǵa tyıym salynady, dep habarlaıdy Almaty-akshamy.kz Memlekettik kirister komıtetine silteme jasap.
"Memlekettik kirister komıteti syrtqy ekonomıkalyq qyzmetke qatysýshylardyń, tasymaldaýshylardyń, ekspedıtorlardyń, keden ókilderiniń jáne basqa da múddeli tulǵalardyń nazaryna "Qazaqstan Respýblıkasynyń aýmaǵynan munaı ónimderin áketýdiń keıbir máseleleri týraly" birlesken buıryqqa sáıkes, maılaý maılaryn qospaǵanda (EAEO SEQ TN 2710 19 820 0, 2710 19 840 0, 2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 900 0, 3403 91 000 0), kóliktiń barlyq túrlerimen benzındi, dızel otynyn jáne munaı ónimderiniń jekelegen túrlerin (EAEO SEQ TN 2710, 3403, 3811, 3826 00) Qazaqstan Respýblıkasynyń aýmaǵynan áketýge 4 aı merzimge tyıym salynatynyn jetkizedi", - delingen habarlamada.
Komıtettiń habarlaýynsha, birlesken buıryq alǵashqy resmı jarıalanǵan kúnnen keıin kúntizbelik 10 kún ótken soń qoldanysqa enedi.
"Osyǵan oraı atalǵan taýarlardy respýblıkadan tys jerlerge áketý jónindegi qyzmetti júzege asyrý kezinde kórsetilgen tyıymdy saqtaý qajettigine nazar aýdarýdy suraımyz", - dep málimdedi Memlekettik kirister komıteti.