Oqıǵanyń saldarynan kireberistiń 150 sharshy metri qıraǵan
Jańaózende turǵyn úıde jarylys bolyp, 11 adam zardap shekti, dep habarlaıdy Almaty-akshamy.kz QR Tótenshe jaǵdaılar mınıstrliginiń baspasóz qyzmetine silteme jasap.
Baspasóz málimetterine qaraǵanda, oqıǵa búgin Astana ýaqytymen saǵat 5:00-der shamasynda bolǵan.
Jańaózen qalasyndaǵy 2-shi shaǵynaýdanda eki kireberisten turatyn 12 páterli 2 qabatty turǵyn úıde gaz jarylǵan. Oqıǵanyń saldarynan kireberistiń 150 sharshy metri qıraǵan.
Órt bolǵan joq, (úıdiń jalpy aýdany 600 sh.m.). Aldyn ala málimet boıynsha 11 adam zardap shekken, olar medısına qyzmetkerlerine tapsyryldy. Bolǵan oqıǵanyń sebep-saldary anyqtalýda.
«Oqıǵa ornyndaǵy úıirdini arshý jumystaryna Mańǵystaý oblysy Tótenshe jaǵdaılar departamentiniń 50-den astam qutqarýshy, 10 tehnıka, jedel medısınalyq kómek jáne jergilikti atqarýshy organdardyń qyzmetkerleri jumyldyryldy», - delingen habarlamada.