Qujat 28 sáýirge deıin kópshilik talqylaýda bolady.
21 jasqa tolmaǵan azamattarǵa shaǵyn nesıe berýge tyıym salynýy múmkin. Bul týraly Qarjy naryǵyn retteý jáne damytý agenttigi ashyq talqyǵa shyǵarǵan qaýly-jobasynda jazylǵan, dep habarlaıdy Almaty-akshamy.kz.
«Ataýly áleýmettik kómekti jáne 21 jasqa tolmaǵan qaryz alýshynyń kirisin baǵalaý resmı kirisi negizinde aıqyndalady. Qaryz alýshynyń ortasha aı saıynǵy kirisi onyń ótinish jasaý aldyndaǵy qatarynan 6 aıdaǵy qatynasy retinde esepteledi», - delingen «Ashyq» NQA portalynda jarıalanǵan qujatta.
Qaýly jobasyna qosymsha berilgen túsindirmede jazylǵandaı, bul bastama 21 jasqa tolmaǵan tulǵalarǵa mıkronesıe berýdi shekteý maqsatynda engizilmek.
«Joba 21 jasqa tolmaǵan adamdarǵa shaǵyn nesıe berýdi shekteý maqsatynda, sondaı-aq osyndaı qaryz alýshylardy qorǵaý maqsatynda ázirlendi. Sonymen qatar, jobada tutynýshylyq nesıeleýde táýekelderdiń ósýine jol bermeý maqsatynda boryshtyq júkteme koefısıentin esepteýge qoıylatyn talaptardy qatańdatý kózdelgen», - dep túsindirme berilgen qaýlyǵa.
Qujat 28 sáýirge deıin kópshilik talqylaýynda bolady.