Medeý aýdanyna qarasty «Sulýsaı» yqshamaýdanyndaǵy №197 mektepte «Jańa tehnologıany meńgerý-zaman talaby» atty taqyrypta mektep basshylaryna arnalǵan aýdandyq semınar bolyp ótti. Atalmysh aýdannyń bilim bóliminiń basshysy Aǵaısha Saparovanyń aıtýynsha, bul jıynǵa qatysqan jas mamandardyń barlyǵy jańa tehnologıalardy jetik meńgergen. Ári qazirgi talap boıynsha jasandy ıntellekt, geımıfıkasıa, tıimdi platformalar syndy ádis-tásilderdi paıdalanbaı bilim berý esh múmkin emes kórinedi. Sondyqtan barlyq talapqa saı bolýy kerek. Búgingi zaman talaby da osy,-deıdi.
Semınar barysynda jas mamandar jańa tehnologıalardy jan-jaqty meńgerip, ony tıimdi qoldanyp júrgendikterin tanytty.
-Mektebimizdiń jas mamandary kúndelikti sabaqta qoldanyp júrgen trendtegi jańa tehnologıalardyń ádis-tásilimen bólisti. Atap aıtqanda, fızıka pániniń muǵalimi, magıstrant Baqdaýlet Shákirhanuly, aǵylshyn tili pániniń muǵalimi, magıstrant Aıgerim Almasqyzy, kórkem eńbek pániniń muǵalimi Borhý Adıgýl, ınjenerıa salasy boıynsha Kenjeǵalı Qanatuly ótkizgen sabaqtar qyzyqty boldy,-deıdi mektep dırektory Tunyq egebaıqyzy. Semınar sońy «Naýryznama» merekesine ulasty.
