2024 jyldan bastap Tótenshe jaǵdaılar mınıstrligi salynyp jatqan úılerdiń órt qaýipsizdigin tekserýdi bastaıdy.
Bul týraly vedomstvo basshysy Syrym Sháriphanov málimdedi, dep habarlaıdy Almaty-akshamy.kz.
«Bizdegi másele mynada: turǵyn úıler salynyp jatyr, al TJM-de sertıfıkattaýdy, nysandardy tekserýdi alyp tastaǵan. Bul másele qashan sheshiledi?» - dep suraq qoıdy tilshiler Úkimettiń kýlýarynda.
«Bul másele jańa jyldan bastap sheshiledi. Biz jobalardy kelisýge, ǵımarattardy, qurylystardy qabyldaýǵa, sondaı-aq tekserý kezinde tikeleı qatysatyn bolamyz», - dep qysqasha jaýap berdi TJ mınıstri Syrym Sháriphanov.
Iaǵnı, qańtar aıynan bastap úı salý boıynsha barlyq jobalardy Tótenshe jaǵdaılar mınıstrligi tekseredi.
Tilshilerdiń bul suraqty qoıýy bir apta buryn Almatydaǵy kópqabatty úıden shyqqan órtke baılanysty. Eske sala ketsek, 1 tamyz kúni Almatyda 16 qabatty úı órtengen edi. Amaly qalmaǵan turǵyndar balalaryn terezeden laqtyrdy.
Órt saldarynan 1 adam kóz jumyp, 43 adam zardap shekti.