Mine, mańyzdy saıası naýqandy elimiz abyroımen ótkizdi. Daýys berýge quqyǵy bar azamattarymyzdyń 70 paıyzdan astamy óz tańdaýyn jasaǵan referendýmǵa otandyq jáne halyqaralyq baıqaýshylar joǵary baǵasyn berip jatyr. Jańartylǵan Konstıtýsıamyzdy daýys berýshilerdiń kópshiligi qoldady. Óte qýanyshtymyz.
Prezıdentimiz Qasym-Jomart Kemeluly Toqaev referendým nátıjeleri boıynsha halyqqa úndeý jasady. Jańa Qazaqstandy qurý jolynda qoldaý bildirip, atsalysyp jatqan barsha halyqqa rızashylyǵyn bildirgen memleket basshysy, bul jumystardyń jańarýdyń tek basy ekenin aıtyp, áli atqarylýy tıis talaı másele baryna basa nazar sala kele: «Biz qoǵamdyq jáne jeke qundylyqtar júıesin túbirimen jańǵyrta bilýimiz kerek. Sonda ǵana barlyq salada túbegeıli ózgeris jasaı alamyz.
Jańa Qazaqstannyń eń basty baılyǵy – halyq. Al, eń negizgi maqsaty – azamattardyń baqytty ómir súrýin qamtamasyz etý. Árbir azamatymyz saıası ózgerister men ekonomıkalyq ósimniń jemisin kórýi qajet. Qurǵaq ýáde men bos sóz eshqaıda aparmaıdy. Men úshin naqty is pen shynaıy ózgeris bárinen mańyzdy. Bul maqsatqa qol jetkizý úshin bar kúsh-jigerimdi salamyn», – dep túıindedi.
Ádiletti Qazaqstan qurýda, ulan-baıtaq jerimizdi, ulttyq qundylyqtarymyzdy saqtap, babalar amanatyn keler urpaqqa jetkizý isinde Alla bizge jar bolsyn!